euskalkultura.eus

Buenos Aires, Argentina. Kaleratutako oharrak hauxe dio hitzez hitz:

Euskal Amerikar Diasporaren Eztabaidaguneko kideak, Buenos Aires hirian bildurik, euskal Diasporako talde bezala sortu ginenetik egindako lanari erreparatu diogu, geure burua abertzale, anizkoi, bakezale eta giza eskubideen aldeko definituz eta "betetzaile" jo dugu, bai; ez ordea inola ere aski lan bezala.

Gainera gogor sinesten dugu Hego Euskal Herrian izan diren aldaketa politikoen aurrean, mugimendu abertzaleari oro har batere onik egiten ez dioten aldaketa hauen aurrean hain zuzen, gogorrago eutsi behar diogula geure engaiamendu militanteari, irmo geure xedeak lortzeko bidean, alderdikerien gainetik, euskal Nazioaren helburuak erdiesteko asmoz, eta horri dagokionez, hauxe adostu dugu aho batez:

1) Geure Eztabaidagune hau sortarazi zuten Euskal Nazioaren helburu eta eskubide politikoak berrestea

2) Polo soberanista, anizkoi, abertzale, bakezale eta giza eskubidezale baten aldeko geure hitzaldi, aldarrikapen eta iritziekin segitzea, horrekin euskal gatazka politikoa politikoki soluzionatzen laguntzen dugulakoan, ondorioz helburu soberanistak gauzatuz

3) Geure helburuen antzekoak dituzten beste talde batzuekin harremanak sortzea

4) Kontzientzia-hartze abertzalearen aldeko geure lanarekin segitzea, euskal gizatalde barne zein kanpoan

5) Gogoeta gune berriak sortzen saiatzea geure talde abertzale soberanistak bultzatzen dituen tailerren bidez

Oharra sinatzen dute Buenos Airesen, 2009ko maiatzaren 30ean, Cesar Arrondo, Gloria Zuazu, Jose Domingo Ormaetxea, Mariana Fernandez Castelli eta Santiago Bereciartuak.

Lotura interesgarriak

Euskal Diasporako Nazio Eztabaida
http://www.forodebatediasporavasca.blogspot.com