euskalkultura.eus

Coronel Pringles, Argentina. Buenos Aires probintziako Coronel Pringles herritik, bertako euskal etxeko lehendakariak, Juanita Zubizarretak, adierazten digu bertako gazte talde batek zinema arloko ekimen bati ekin diola eta uztailaren 26tik 30era arte 60. hamarkadako mundu mailako lehenengo lerroko zenbait zuzendariren bost filma erakutsi dituztela, hurrenez hurren euskal etxearen egoitzan.

"Saio bakoitza erakutsi behar zuten filmari buruzko iruzkin batez hasi dute, bere korapiloa, zuzendaria eta abarri buruzko jakingarriak jendaurretuz, eta abar. Filma emandakoan, elkarrizketa eta eztabaida suatatu dute, kafea edo matea lagun", azaldu du Eusko Biltzarreko presidenteak.

Erakutsi diren izenburuak honakoak izan dira: 'La fiaca", Fernando Ayala zuzendari (Argentina), "8 1/2", Federico Fellini zuzendari (Italia), "Viridiana", uis Buñuelena (Espainia), "Emakumea beti emakune", Jean Luc Godard-ena (Frantzia), eta "Txoriak, Alfred Hitchcock zuzendari (Estatu Batuak).

Eusko Biltzar Euskal Etxetik, bertako Zuzendaritza Batzordeak. eskerrak eman nahi dizkie ekimena garatu duten gazteei euren ahalegin bolondresarengatik eta komunitatearekiko euren atximimenduagatik, ez baita ahaztu behar ekimen honek izan dezakeen kultur balioari erantsi behar zaiola elkartasun arlokoa, ekitaldirako sarreren prezioa, dirutan ezik, janari iraunkor bat izan baita, bildutakoa babesik gabeko haurrei jaten ematen dien jangela bati eman baitzaizkio.