euskalkultura.eus

Bilatzailea

---

Gernika eta Bonbardaketari buruzko erakusketaren estreinua Boiseko Euskal Museoan

2017/04/26

---

Bonbardaketaren 80. urteurrenean ‘Bat eta mila Gernika’ erakusketa inauguratuko du Rosario Hiriko Museoak

2017/04/24

Zenbait ekitaldi Argentinako Rosarion Gernikako Bonbardaketaren 80. urteurrena dela eta: bihar lore-eskaintza hiriko Gernika Plazan, etzi hitzaldia... Rosarioko Euskal Etxea antolatzaile. Ondotik, ordea, maiatzaren 7tik uztailaren 2ra Rosario Hiriko Museoak erakusketa antolatu du "Bat eta mila Gernika" izenpean gerrek populazio zibilarengan daukaten eragina mahaigaineratzeko, Gernikatik hasita gaurdaino, Gernikako Bakearen Museoko materiala eta baita ere Yannis Behrakis eta Harry Chun argazkilariek egungo errefuxiatuen egoera salatuz egindako argazki eta materialaz.

---

Diasporan Gernikako Arbolaren kimu bat eukitzea eta hazten ikustea "gure erroekiko lotura berezia da"

2017/04/24

Hala uste dute munduko zenbait euskal etxetatik Aitziber Atxutegi kazetariarekin mintzatu diren euskaldunek. Tartean daude Estatu Batuetan, San Frantziskoko Euskal Etxeko Pierre Etcharren eta Philippe Acheritogaray, Argentinako Cordobako Gure Etxea Euskal Etxeko Alejo Martin; eta Brasilgo Sao Pauloko Eusko Brasildar Etxea, Casa Basco Brasileira. Lekukotasunak, Deia egunkariak argitara emaniko honako artikulura ekarri ditu.

---

"Eman ta zabal zazu", Gernikako Arbolaren kimuak mundu osoan zabaldurik

2017/04/24

"Eman ta zabal zazu" dio ereserkiak. Iparragirrek hitzok idatzi eta 165 urte geroago bere ondarea inoiz baino biziago dago. Gernikako Arbolaren kimuak munduan gero eta zabalduago daude. Joan den astean, Urkullu lehendakariak berak landatu zuen azkena Auschwitzen eta gaur bertan Ana Otadui Bizkaiko Batzar Nagusietako buruak Bakion landatu behar du beste bat. Azken 22 urteetan 66 ale landatu dira. Besteak beste Sydney, Nairobi, Erroma, Montevideo, Washington edo Sao Paulora atera da bakearen eta euskal askatasunen ikur den arbola. Aitziber Atxutegik Deian argitaratutako artikuluaren euskarapena.

---

Gernikako Bonbardaketaren 80. Urteurrenari buruzko hitzaldia Quilmesko Goyena Liburutegian

2017/04/22

---

Jarduerei berrekin eta Gernikako Bonbardaketa gogoratuko du 42. Paraleloko Eskualde Andetarreko Euskal Etxeak

2017/04/21

Zenbait urtez jarduerarik gabe eta badirudi 42. Paraleloko Eskualde Andetarreko Euskal Etxea prest dagoela berriz ere ekimenak garatzeko Rio Negro eta Chubut probintzia argentinarretako mugan, Patagonia sakonean. Ekimenetako arduradun Maria Elena Borras kontatuan jarri da EuskalKultura.com-ekin eta adierazi dio Gernikako Bonbardaketaren 80. urteurrena kari, bihar bertan 'Zerurik sua dator' filma emango dutela El Bolson herrian, eta datorren astean El Hoyon, azken herri honetan ere euskara klaseak hastekotan.

---

"Gernika, Bonbardaketa" dokumentala ipini dute eskuragai Youtuben, euskaraz, gaztelaniaz eta ingelesez

2017/04/21

Datorren asteko asteazkenean Gernikako Bonbardaketaren 80. urteurrena beteko dela eta, Youtube-ko Basque Doc kanalak Alberto Rojoren "Gernika, Bonbardaketa" dokumentala ipini du eskuragai, bere euskarazko, gaztelaniazko eta ingelesezko bertsioetan, nahi duten norbanako eta elkarteek ikusi edo erabil deaten. Izan ere, dokumental egokia izan daiteke Bonbardaketaren karietara euskal etxeetan antolatzen ari diren gogoeta ekitaldietan eman eta komentatzeko.

---

Eusko Jaurlaritzak eta Bizkaiko Batzar Nagusiek Gernikako Arbolaren kimu bat landatuko dute Auschwitzen

2017/04/12

Iñigo Urkullu lehendakaria buru, ordezkaritzak Bizkaiko Batzar Nagusietako lehendakari Ana Otaduiren partaidetza ere izango du eta datorren aste erdialdean iritsiko da Auschwitzera, Konzentrazio eta Suntsiketa gune izan zen Auschwitz-Birkenau inguruan Gernikako Arbolaren kimu bat landatu eta Gernika eta Auschwitz bezalako bi ikonoen arteko harremana estutzearren, Gernikako eta beste euskal herri batzuen bonbaketen 80. urteurrena betetzen den urte honetan.

---

Gernikako bonbaketaren 80. urteurrena: Euskal haurrak Eskoziako Montrosera iritsi zirenekoa

2017/03/27

Aste gutxi barru 80 urte beteko dira hegazkin nazi alemanek eta faxista italiarrek, Franco general espainiarraren zerbitzuan Gernika bonbardatu zutenetik. Haren ondorioz, besteak beste, milaka euskal haurrek Euskal Herria utzi behar izan zuten, euren gurasoek salbatu nahi izan baitzituzten eraso basatietatik. Honako artilulua, haur haietako multzo bat Eskoziako Montrose herrira iritsi zenekoa gogora ekarriz argitaratu du joan den astean Montrose Review kazetak.

---

Euskal 16 luzemetraia eta 9 film labur pantailaratuko dira apirilaren 2a bitartean Nantesko Zinemaldian

2017/03/23

Euskal zineak presentzia zabala izango du Nantesko Festival du Cinéma Espagnol jaialdiaren 27. edizioan. Atzo hasi eta apirilaren 2ra, guztira Frantzian ikusigabeko 70 luzemetraia eta film labur erakutsiko dira, fikziozkoak zein dokumentalak. Horietatik 16 luzemetraia eta zortzi film labur zinemagile euskaldunek zuzendutakoak edo Euskal Herrian ekoiztutakoak dira; gehienak Fenêtre Basque sailean dira ematekoak, Etxepare Institutua eta Euskal Filmategia laguntzaile.

---

• «
• 21
• 22
• 23
• 24
• 25
• 26
• 27
• 28
• 29
• 30
• »

Irakurrienak

• 2026/02/02
  Diasporan ere Santa Ageda ospatuko dute, makilekin lurra kolpatuz eta kopla kantuan Boise, Madril eta Valentzian
• 2026/02/02
  Kaliforniako Chinon izango da AEBko 2026 NABO Euskal Festa Nazionala, SCBC Euskal Etxearen 80. urteurrena ospatuz
• 2026/02/02
  'Gaztemunduri Ateak Ireki': batera deitu dute AEB, Kanada, Argentina, Uruguai eta Australiako euskal gazteentzat
• 2026/02/04
  Barnetegia San Nicolasen: Euskara Munduan-en eredu argentinarra, Estatu Batuetako euskal etxeentzako ispilu
• 2026/02/04
  Bere 80. urteurrena ospatuz, Villa Mariako Euzko Etxea 2026 Euskal Argentinar Astearen antolatzaile urriaren 5etik 11ra

Azken komentarioak