Vitoria-Gasteiz. Eusko Jaurlaritzak, Kanpoan den Euskal Komunitatearen Zuzendaritzaren bitartez, munduan euskal etxeak dauden tokietara bira kulturalak egiteko diru-laguntza deialdia egin du aurten Euskal Autonomia Erkidegoko talde eta artistentzat. Eskabideak Eusko Jaurlaritzako aipatu Zuzendaritzari aurkeztu behar zaizkio, horretarako azken eguna urriaren 30a delarik.
Euskal etxe eta federazioengana heltzeko eta euskal artistei bertaraino iristen laguntzeko denez, euskal etxe eta erakunde horiekin adostutako emanaldi proposamenak beharko dira aurkeztu, gutxienez hiru emanaldiko birak izanik. Orotara 70.000 euro banatuko dira, eta dirulaguntzetako bakoitza gehienez 10.000 eurokoa izango da. Birak 2026ko abenduaren 31era arte beharko dira egin.
Eskatzaileak, beraz, artistak beharko dute izan, adostasunean EE edo federazioekin. Dirulaguntzak eskatzeko epea bukatuta, Jaurlaritzak sei hilabeteko epea izango du Ebazpena onartu eta diru-laguntza jasoko duten programak zerrendatzeko.
- Deialdiaren xehetasunak oro
- Deialdiaren testua html-n
- Deialdiaren testua pdf-n
Lagun bati bidali
Komentarioa gehitu
