Buenos Aires, Argentina. Jaioterria utzi behar izatea ez da batere erraza; gurekin nahiko genituzkeen gauza asko ezin baitira maleta batean sartu: usainak, zaporeak, paisaiak, soinuak... zer esanik ez haurtzaroaren auzoko futbol taldearekin dugun lotura. Egia da zirrarak ezin direla maletan toki batetik bestera eraman; baina herriminari aurre egiteko eta futbol zelaiko adiskidetasun giro hori faltan ez botatzeko klub batzuk filialak dituzte Euskal Herrian, hala nola Buenos Airesko Boca Juniors eta River Plate-k, euren zaleen, hau da, ‘bostero’ eta ‘millonario’en, bilgarri.
‘Consulado Boca Juniors País Vasco’ eta ‘Filial River Plate Euskadi’ taldeak pandemia garaian jaio ziren, itxialdiak bultzatuta, eta geroztik hazten segitu dute. Kirol ekintzez gain –bi taldeek Euskadiko ‘Futbol 7’ Ligan daude– elkarretaratze batzuk ere antolatzen dituzte “beti ere, mahai baten inguruan garagardo batzuk edaten edo ‘erreki’ tipiko bat konpartitzen”, diote.
[Boca klubeko Euskadiko Kontsuladoak filial bat du Gipuzkoan]
Aktibitate nagusietako bat, ordea, ‘"Zalearen Eguna" (Día del Hincha) ospatzea da. Kamiseta zuri-gorria dutenek irailaren 28an ospatzen dute, Angel Labruna futbolari historikoaren omenean. ‘Doce’ (Hamabi) izenarekin ezaguna den Bocako zaleen taldeak –zaleen taldea baita hamabigarren jokalaria–, abenduaren 12an ospatzen du.
Euskadiko River Clubeko filialaren ospakizuna (argazkia Naiz.eus)
Ehun kide baino gehiago dituzten bi klub argentinar hauetako filialek –gehienak Argentinan jaioak baina euskaldun batzuk ere badaude– bat egiten dute klub erraldoiok munduan zehar dituzten beste hainbat filialekin. Euskal Herrian bizi diren argentinarrentzat, distantziak murrizteko aukera polita erremediorik ez duen zerbaitentzat erremedio ona.
Taldeok sare sozialetan, Consulado Boca Juniors eta Filial River Plate
Lagun bati bidali
Komentarioa gehitu
