euskalkultura.eus

Montreal, Quebec. Euskaldunak elkartea NABOren udazkeneko bilkuraren antolatzailea izango da datorren irailaren 17an. NABOk urtean hiru bilkura egiten ditu, eta Ipar Ameriketako euskal etxe bakoitzeko bi ordezkarik parte hartzen dute. Nahiz eta NABO Ipar Amerika osoko euskal elkarteen federazioa izan (Kanada, AEB eta Mexiko), baina orain arte AEBetako euskal etxeak izan dira partehartze handiena izan dutenak. Quebec-eko hitzordua aurrerapausu handia izango da, NABOk bilkura AEBetik kanpo egiten duen lehen aldia baita.

"Gure euskal etxea NABOko euskal etxe bakoitzeko bi ordezkariri aurkezteko aukera bikaian izango da", dio Adelaide Daraspek, Euskaldunakeko lehendakariak. "Orain dela bi urte hasi ginen NABOren bilkuretara joaten. Oso garratzitsua iduritzen zaigu Ipar Amerkiketako euskaldunekin konektatua egoteak. Joan den urrian Lincoln-eko kongresuan nintzen adibidez".

NABOren bilkura Montrealen antolatzeko ideia otsailean sortu zen eta Euskaldunak-ek proposamena bidali zion federazioari. Joan den urriaren 9an, Lincoln-en egin zen bilkuran bozkatu eta onartu zuten proposamena. "Lehen aldia da NABOren bilkura bat Ipar Amerikako ekialdean antolatuko dela, eta lehen aldia ere, Estatu Batuetan ez dela antolatuko. Gure kideak oso pozik dira. Eta lan handia izango dugu ere...", azaltzen du Daraspek. Elkarteak, gainera, 15. urteurrena ospatuko du egun berean, eta hainbat ekitaldi, kontzertu eta sorpresa ari dira prestatzen.