New Englandeko Euskal Etxeak 2014ko Txitxiburduntzi festa ospatu zuen giro ederrean

2014/05/13

Indarra erakutsi zuten New England Basque Club-eko emakumeek! (argazkia NEBC)

PUBLIZITATEA

Iragan larunbatean New England Basque Club elkarteak, lehen Rhode Island izena zuenak, urteroko Txitxiburduntzi festa ospatu zuen. Ehun bat lagun bildu ziren bertara, Rhode Island, Massachusetts eta Connecticut-etik eta aurten Floridatik etorritako lagunek ere bat egin zuten jaiarekin. Topakegunea Riki Lasa pilotariaren West Suffieldeko baserria izan zen. Elkarteko kideek eta lagunek egun ederraz gozatu zuten eta herri kirol erakusketak ikusteko --eta probatzeko-- aukera izan zuten. Hona eguneko zenbait argazki.

Boston, AEB. 2014ko Txitxiburduntzi festa ospatu zuten larunbatean New England Basque Club elkarteko kideek, Riki Lasa bazkide eta jai alai jokalari ohiaren baserrian. Ehun bat lagun bildu ziren bertara, asko eta asko Lasa bezala pilotari profesionalak izandakoak eta euren senitartekoak. Inguruotako hainbat herri eta hirietatik heldu ziren gehienak --Rhode Island, Massachusetts, Connecticut...-- baina urrunagotik ere, izan ere batzuk Floridatik etorri ziren.

Festaren aitzaki nagusia Patxi Gandiagaren BBQ bazkariaz gozatzea zen eta espero bezala, bertara bidu zirenek txerri erreki goxoa dastatu ahal izan zuten. Eguneko beste gertakari nagusia herri kirol erakustaldiak izan ziren. Urtero legez, NEBC-ek erakustaldi sorta ederra bildu zuen: aizkolariak, harrijasotzaileak eta txingaeruten lehiaketa.

New England Basque Club Txitxiburduntzi 2014