euskalkultura.eus

Albisteak

Muskizeko Ostabe euskara taldeak maitasun e-mailen lehiaketa abian jarri du San Valentin egunerako

2005/02/01

Muskizeko Ostabe euskara taldea ezaguna da burutzen dituen ekimen deigarri eta irudimentsuengatik. Oraingoan ere aktibitate berri eta erakargarri bat dakarkigu, San Valentin eguneko ohitura zaharrei ukitu posmoderno bat emanez. San Valentin gertu dagoela eta, muskiztar talde honek maitasun gutunen lehiaketa antolatzea erabaki du, baina gaztetxoentzako erakargarriago izango den formatuan: maitasunezko e-posta mezuen lehiaketa antolatu dute. Otsailaren 10a da mezuak bidaltzeko azkeneko eguna.

Muskizeko Ostabe elkarteak bultzatzen du ekimen deigarri hau. Parte hartu nahi duenak maitasunezko mezuak info@ostabe.net helbidera bidali behar ditu, euskara hutsean, otsailaren 10a baino lehenago. Bertan, maitasunezko mezuaz gain, bidaltzailearen izena edo ezizena eta kontakturako telefonoa jarri behar dira.

Deialdi honi buruzko informazio gehiago jaso nahi izanez gero jo Ostabe elkartearen webgunera. Bertan maitasun e-mailen lehiaketa honi buruzko jakingarriak eskuratzeaz gain, elkartearen beste hainbat ekintzen berri jaso daiteke. Maitasun e-mail lehiaketa honetako sariak San Valentin egunean, otsailaren 14an, banatuko dira.


Lotura gehigarriak

Ostabe elkarte antolatzailearen webgunea
www.ostabe.net

Amodiozko e-mail mezuen lehiaketaren berri
Sustatu.com webgunean

---

---

Irakurrienak

• 2024/04/17
  Protestak Valentzian, Generalitatek HEOetako euskara klaseak ezabatu ostean, 4 irakasle eta 120 ikasleri eraginez
• 2024/04/22
  Saltoko Euskal Etxeak Harriague Astearen 6. edizioa eta Ardo Ondareak bertan 150 urte betetze izana ospagai hartu ditu
• 2024/04/16
  BEOren 2024 euskal bekak AEBn: "Janariaren eragina euskal kulturan" gaiari lotutako obrak beharko dira aurkeztu
• 2024/04/18
  2014ko Aberri Eguneko azken sorta Diasporan: hilabete eta erdiko epean egin dituzte euskal etxeek euren ospakizunak
• 2024/04/16
  Cañuelas eta Txileko Santiagoko EEek joan den asteburuan ospatu zuten Aberri Eguna eta Las Vegasekoak datorrenean

Azken komentarioak