euskalkultura.eus

euskal diaspora eta kultura

Albisteak rss

Miren Arozarena eta Gabriela Mendia Kaliforniara NABOren Udalekura doazela-eta aldaketak FEVA bulegoan

2009/06/25

Gabriela Mendia (irudian, FEVAko euskara bilera batean) eta Miren Arozarena Estatu Batuetako NABO euskal erakundeak antolatzen duen Udalekun arituko dira datozen bi asteetan, Kaliforniako Chinon (argazkia EuskalKultura.com)
Gabriela Mendia (irudian, FEVAko euskara bilera batean) eta Miren Arozarena Estatu Batuetako NABO euskal erakundeak antolatzen duen Udalekun arituko dira datozen bi asteetan, Kaliforniako Chinon (argazkia EuskalKultura.com)

PUBLIZITATEA

Argentinako FEVA --Euskal Argentinar Bazkunen Alkartasuna, euskal izen historikoan, edo Euskal Argentinar Erakundeen Federazioa, egungoan-- erakundeak oharra plazaratu du bere bulegoan datozen asteetan izango diren gorabehera batzuk azalduz, izan ere bertako bi idazkariak, Miren Arozarena eta Gabriela Mendia ibiltari ibiliko dira Argentinatik kanpoko euskal ikastaro eta ekitaldietan parte hartzen, eta horrek federazioaren bulegoaren eguneroko martxan aldaketa batzuk ekarriko ditu, bertara bildu ohi diren euskal etxeetako jendeentzat eta publikoarentzat oro har.

Buenos Aires, Argentina. Argentinatik kanpoko ekitaldi horiek Estatu Batuetako NABO euskal etxeen federazioak urtero antolatzen duen Udaleku, eta Eusko Jaurlaritzak urteroko ere antolatu ohi duen Gaztemundu ekimena dira, azken hau Euskal Herrian, Gasteizen hain zuzen.

Beraz, FEVAren bulegoa lantoki daukaten Gabriela Mendia zein Miren Arozarena aste honetako 24an abiatuak dira Estatu Batuetara, Kaliforniako Chino herrian datorren igandetik aurrera garatuko den NABO Udalekuan parte hartzeko, NABOk gonbidaturik hain zuzen. Hortik Gabriela Mendia Argentinara itzuliko da, berriz ere bulegoan uztailaren 14ean egoteko.

Miren Arozarena, berriz, Euskal Herrira joango da segidan, Gaztemundu programan parte hartzeko Gasteizen, uztailaren 27an bulegoratuko dela.

Tarte horretan FEVAko Zuzendaritza Batzordeko kideak hartuko dute bulegoko ardura. Hona FEVAko lehendakari Felipe Eiheragibelen e-maila: zuberotarra@express.com.ar. Telefonoak, berriz, 011 15 66390152 edo 0341 15 5159488.



« aurrekoa
hurrengoa »

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia