euskalkultura.eus

euskal diaspora eta kultura

Albisteak rss

Mikel Alonso irundarrak euskal eta mexikar sukaldaritza batzen ditu Mexiko DFko Biko jatetxean

2008/07/10

Mikel Alonso Mexikon ateratako argazki batean (argazkia Noticias de Gipuzkoa)
Mikel Alonso Mexikon ateratako argazki batean (argazkia Noticias de Gipuzkoa)

PUBLIZITATEA

Mikel Alonso sukaldari irundarrak hamar urte daramatza Mexikoko hiriburuan bizitzen. Hasiera batean sei hilabeteko egonaldia zena hamar urtez luzatu du, lurralde azteka bere etxea bihurtuz. DFn 'Biko' izeneko euskal sukaldaritza garaikideko jatetxea ireki zuen Bruno Oteiza sukaldari donostiarrarekin batera. Lokala bertako Euskal Etxeko egoitzatik gertu dago eta ohiko bezero asko euskal elkarteko lagunak dira. Irekieraren lehen urteurrena ospatu baino lehen, 'Restaurant' aldizkari britainiarraren munduko 100 jatetxerik onenen zerrendan sartu dute, 89. postuan. Noticias de Gipuzkoa egunkariak sukaldari gaztea elkarrizketatu du, jarraian itzuli eta laburtzen dugun artikuluan.

Mexiko DF, Mexiko. Luis Irizarren sukaldaritza eskolan jasotako bekari esker Mikel Alonso sukaldari irundarra Mexikora heldu zen orain dela hamar urte, Sukalde Elkartean aritzeko sei hilabetez. Mexiko DFko Euskal Etxean Bruno Oteiza ezagutu zuen eta orain dela urtebete elkartu eta 'Biko' jatetxea irekitzea erabaki zuten. Bertan eboluziozko eta mexikar zein euskal sukaldaritza tradizionalaren nahasketa eskaintzen dute. Alonsok azalzten duenez, mexikarrek eta euskaldunek jaten dituzten produktuen artean 'ez dago hainbesteko alderik'. Diferentzia prestatzeko teknikan dagoela azpimarratzen du.

Euren prosamenak harrera oso ona izan du eta 'Biko' jatetxea 'Restaurant' aldizkari britainiarrak egiten duen munduko 100 onenen zerrendan 89. postuan dago. Baina hau ez da Alonso eta Oteiza zerrenda garrantzitsu horretan agertzen diren lehendabiziko aldia, izan ere, 'Tezka Zona Rosa' jatetxean elkarrekin lanean aritutakoak dira eta jatetxe honek 75. postua lortu zuen. Momentu honetan sailkapeneko lehena Ferran Adriaren 'El Bulli' da eta Andoni Luis Aduriz eta Juan Mari Arzak sukaldari gipuzkoarren jatetxeak munduko 4. eta 8. postuetan daude, hurrenez hurren.

'Restaurant' aldizkariak Mikel Alonsoren zenbait plater azpimarratzen ditu bere zerrendan, hala nola, foie 100% kotoia, izokin marinatu pintxoa brie gaztarekin eta apio berdeko eskola arraina. Bere menuan honako platerak prestatzen ditu ere: arkumea ekialdeko kutsuarekin, lurreko txokolatea, txipiroia bere tintan, arrain zopa, txuleta parrilan eta bakailaoz osatutako pikilloko piperrak.


Lotura interesgarriak

'Biko' jatetxea
www.biko.com.mx

Munduko 100 jatetxerik onenen zerrenda
www.theworlds50best.com



« aurrekoa
hurrengoa »

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia