euskalkultura.eus

euskal diaspora eta kultura

Albisteak rss

Luis Moreno eta Juan Mutuberria chascomustarrak Macachingo euskal etxeko Mus Txapelketako irabazleak

2012/10/25

Macachingo euskal etxeak antolatutako Mus Txapelketaren partaideak (argazkiaEE)
Macachingo euskal etxeak antolatutako Mus Txapelketaren partaideak (argazkiaEE)

PUBLIZITATEA

Rosario, Chascomus, Balcarce, Mar del Plata, Junin eta Macachingo bertako muslariek hartu zuten parte aurten Euzko Alkartasuna Euskal Etxeak antolatutako San Migel Mus Txapelketan. Irabazlea, ordea, bikote bakarra izan behar eta lehiaketaren 2012ko edizio honetan Luis Moreno eta Juan Mutuberria chascomustarrak geratu ziren lehenengo postuarekin. Iaz bezala, kartetan aritu ziren kideek Euzko Alkartasuna Hotelean hartu zuten ostatua. Txapelketa irailaren azken asteburuan izan zen eta elkarretaratzearen baitan erakundeko lehenengo dantza irakasle izandako Mikel Menayari eta Maria Julia Ercorecari omenaldia egin zitzaien.

Macachin, Argentina. Ez zen batere erraza izan La Pampa probintziako Macachin herriko euskaldunentzat euren euskal etxea berriro martxan jartzea, baina lortu zutenetik bizkor ekin diote lanari. Hotelaren zaharberritzearekin batera, Euzko Alkartasuna euskal etxeak bere betiko erritmo bizia berreskuratu du eta instalazio berriak ez ezik, giro bikaina ere eskaintzen die bertara iristen diren gonbidatuei.

Irailaren 29an eta 30an eta aspaldiko ohitura bati jarraituz, Aralargo San Migel Mus Txapelketa burutu zuten Machingo euskal etxeko arduradunek. Proposamena arrakastatsua izan zen eta lagun anitzek -- Rosario, Chascomus, Balcarce, Mar del plata eta Junindik propio etorritakoek -- bete zuten Euzko Alkartasuna Hoteleko aretoa. Irabazleei dagokionez, Luis Moreno eta Juan Mutuberria Chascomuseko Zingirako Euskaldunak euskal etxeko ordezkariek irabazi zuten lehenengo saria.

Menayari eta Ercorecari egindako omenaldia 2012 01
[Alazne Iruretagoyena, dantza taldearen zuzendari izandakoa, eta Katxin Fagoaga, María Julia Ercoreca zenaren senarra, presente omenaldian (argazkiaEE)]
 

Beste alde batetik, eta igandeko meza bukatutakoan, omenaldi berezia egin zieten euskal etxeko kideek erakundeko lehenengo dantza irakasle izandako Mikel Menayari eta Maria Julia Ercorecari. “Bien senideek lagunduta, bi plaka oroigarri desestali genituen. Esker beroak eman nahi dizkiegu guztiei honaino etortzeagatik eta Alazne Iruretagoyenari, hainbeste oroipen eta hitz polit gurekin konpartitzeagatik”.

Bukatzeko, euskal etxetik iragartzen dute datorren urterako Mus Txapelketarekin batera Pilota Txapelketa antolatzeko asmoa ere badutela. “Lehen egiten zuen bezala”, azpimarratzen dute Euzko Alkartasuna Euskal Etxea-ko lagunek.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia