Katalunia eta Euskal Herriaren kasuak aztergai Pergaminon bertako euskal eta kataluniar etxeen eskutik

2011/08/18

Pergaminoko hitzaldiaren afixa

PUBLIZITATEA

'Elkarrekin bide bera egiten' (Juntos por el mismo camino) izenburupean egin berri da joan den ostiralean, abuztuaren 12an, Pergaminoko UNNOBAn (Buenos Aires Probintzia Ipar-Mendebaldeko Unibertsitate Nazionala) 'Euskal Herria eta Katalunia, Estaturik gabeko bi Nazio' hitzaldia, hizlari Cesar Arrondo La Platako Unibertsitate Nazionaleko Historia irakaslea eta Gustavo Capdevila legegizona, "Euskal Herriak eta Kataluniak Estatu espainiarraren eta Europaren baitan bizi duten egoera" aurkezteko.

Pergamino, Argentina. Ekitaldia Pergamino bertako 'Lagun Onak' Euskal Etxearen eta Kataluniar Elkartearen sostenguz egin da Buenos Aires probintziako herri honetan, "bi naziook espainiar estatuaren eta Europaren baitan bizi dugun egoera" aurkezteko, adierazi dute antolatzaileek, "gure artean ez baita sobera ezaguna egoera hori, elkarren artean parekotasunak bizi dituena".

Jende multzo polita bildu zen Monteagudo 2772ko 3. ikasgelan gauzatutako proposamenera eta bi hitzaldien ondotik hizlarien eta bertaratutako jendearen artean sortu zen iritzi eta ideia trukea ere aberatsa izan zen.

Egungo egoera eta geroari begira sor daitezkeen aukerak, landu zen gehienbat. Hizlariek antolatzaileek egindako antolaketa "lan bikaina" azpimarratu dute.

euskalkultura.eus

Albisteak

Katalunia eta Euskal Herriaren kasuak aztergai Pergaminon bertako euskal eta kataluniar etxeen eskutik

Erlazionatutakoak

Irakurrienak

Azken komentarioak