euskalkultura.eus

Buenos Aires, Argentina. Hiriburu argentinarreko Jauzi Eguna agorrilaren 22an izango da, iluntzeko zortzi t'erdietatik aurrera, Buenos Airesko Mexiko kaleko euskal egoitzan (Mexiko 1880). Ekitaldia azalpen teorikoak emanez hasiko da, bederatzietan. Hala nahi dutenei material bibliografikoa, dokumentazioa eta musika ipiniko zaie eskuragarri.

Gaueko hamarretan afaria zerbitzatuko da, [locro-a (artoa, kalabaza eta babarrun/ilar/indabak dituen janari andinoa), arrozesnea eta bi edari] eta ondoren erromeria edo dantzaldi herrikoiaren txanda heldu da. Txartelak, guztia barne, 25 pesotan saltzen dira. Otoi eskatzen da aldez aurretik erreserba egitea e-maila bidaliz eusketxe@ciudad.com.ar helbidera edo, telefonoz, 4381-4611 zenbakira. Zozketak ere izango dira.

Mexiko 1880eko jauziak, alboka eta dantza tailerra

Jauziak euskal dantzak dira, biribilean dantzatzekoak. Bereziki Nafarroa eta Ipar Euskal Herrian dantzatzen dira. Festa hasieran pausorik errazenak irakatsiko dira eta dantzaldian zehar ere laguntza eskainiko da, inor parte hartu gabe gera ez dadin.

Eusketxetik oroitarazten dute, bestalde, aurrera segitzen duela helbide berean (Mexiko 1880) astero astero Alboka Tailerrak, Mauro Telletxea musikari euskal argentinarrak emanik; baita helduentzako dantza tailerrak ere, Aitor Alava zuzendari. Izena emateko edo xehetasunik eskuratzeko, jo Eusketxeren aipatu telefono, helbide eta e-mailera.