Vitoria-Gasteiz. Eusko Jaurlaritzak sei euskal etxe berri onartu ditu gaur goizean Gasteizen egindako ohiko Gobernu-Kontseiluan. Onartutako euskal etxeen artean badaude berez euskal etxe berriagoak direnak eta baita errekonozituak izateko paperak azken hilabete edo urteetan aurkeztu dituztenak eta urrats ofizial horren zain zeudenak ere. Guztiak pozik agertu dira egoera berriaren aurrean, honekin Euskal Etxeen Erregistroan sartu eta munduko gainerako euskal etxeen eskubide eta betebehar guztien jabe bilakatuiko baitira. Onartutako euskal etxeak Alemanian (2), Frantzian (2), Uruguain (1) eta Kanariar Irletan (1) daude. Hauek dira:
- Bremengo Euskal Kultura Elkartea (Bremen, Alemania)
- Txengel Etxea (Koblenz, Alemania)
- Lyoneko Euskal Etxea (Lyon, Frantzia)
- Denak Bat Toulouseko Euskal Etxea (Colomiers,Tolosa, Frantzia)
- Euskal Etxea Vasconia Florida (Florida, Uruguai)
- Asociación Cultural Mamia (Las Palmas Kanaria Handikoa, Kanariar Uharteak)
Gogoratu Jaurlaritzak gaur emandako onespenaren ondotik, neurriak EHAA-BOPV buletin ofizialean behar duela orain agertu indarrean sar dadin, eta hori berehala, datozen egunetan, gauzatzekoa dela.
Lagun bati bidali
Komentarioa gehitu
