euskalkultura.eus

euskal diaspora eta kultura

Albisteak rss

Iñaki Galdosek Toki Eder EEa bisitatu eta 'Hermansoloña' GKEarentzako dirulaguntzaren berri eman du

2011/05/20

Jose C. Pazeko Toki Eder euskal etxeko kideak Iñaki Galdosekin (argazkia EE)
Jose C. Pazeko Toki Eder euskal etxeko kideak Iñaki Galdosekin (argazkia EE)

PUBLIZITATEA

Joan den maiatzaren 3an Jose C. Paz-eko Toki Eder Euskal Etxeko kideek Iñaki Galdos-en bisita jaso zuten. Argentinako egonaldiaren amaieran eta Euskal Herrira itzuli baino pixkat lehenago, Gipuzkoako Foru Aldundiko Kanpo Ekintza eta Kirol diputatuak egoitzako azken aldaketak ikusi eta talde anfitrioiarekin pintxo eta topa-egite bat konpartitu zituen. Bisitaren testu-inguruan Gipuzkoako Foru Aldundiak Hermansoloña Gobernuz Kanpoko Erakundeari eskuratuko dion diru-languntzaren berri eman zien Galdosek Jose C. Paz-eko euskaldunei.

Jose C. Paz, Argentina. “Jose C. Paz eta Oñati herrien arteko senidetzea arrazoi historikoengatik egin zen, hiriko sortzailea Oñatikoa baitzen. Gero jakin genuen zein zen Jose C. Pazeko egora ekonomikoa eta oñatiarrok berehala antolatu ginen laguntza emateko”, azaltzen zion iaz, proiektuak hamarkada bete zituenean, EuskalKultura.com-i, senidetzearen taldeko koordinatzaile eta 'Hermansoloña' Gobernuz Kanpoko Erakundeko arduradunetakoa den Jose Antonio Urteagak.

Euskal Herriko erakundeak eta Buenos Aires probintziako euskal etxeak elkarrekin lan handia egiteko ardura dute oraindik eta hori dela eta plazer handiz hartu zuten Toki Eder euskal etxeko kideek Iñaki Galdosek ekarritako berria. “Jasotako dirua Hermansoloña Gobernuz Kanpoko Erakundeak Jose C. Paz-eko Nazareth tailerretako eskolari emango dio dohaintzat”, azaldu dio gure buletinari, laguntzeko sarearen bultzatzaile nagusietakoa den Maria Angeles Oñederrak.

Lagunen arteko bilera batean, Toki Eder-ko kideek berri ona eskertu zioten Gipuzkoako diputatuari, eta iaz inauguratu zen euskal etxearen egoitza erakutsi zioten.



« aurrekoa
hurrengoa »

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia