euskalkultura.eus

Salto, Uruguai. “Gernikako Bonbardaketa, 75. urteurrena” erakusketa Eusko Jaurlaritzako Kanpo Harremanetarako Zuzendaritzak eta Gernikako Bakearen Museoa Fundazioak antolatua da eta aurten Argentina, Paraguai eta Uruguaien barrena ibili da, Mercosur-eko herrialdeentzako Euskadiko ordezkaritzak lagunduta.

Hil honen hasieran Saltora heldu zen erakusketa, eta Olarreaga Museoan inauguratu zen abenduaren 1ean, Saltoko Euskaldunak Euskal Etxearen laguntzarekin. Egitasmoa osatzeko elkarteak museoko beste areto batean margo lantegiko ikasleek ikastaroan zehar Gernikari buruz eginiko lanak jarri ditu ikusgai.

[Inaugurazioan Euskal Etxeko bazkide eta lagun asko izan ziren (argazkia SaltoEE)]

Informazio gehiago Saltoko Euskaldunen Taldearen blogean, hemen.