euskalkultura.eus

Buenos Aires, Argentina. Eguberri eta urte amaierako jaiak heldu dira, eta haiekin batera hasten da opari berezi horien bilaketa: lagun, lankide zein familientzat, kalitatea eta esanahia uztartuko dituzten opari egokiak aurkitu nahia. Ondoko lerroetan Euskal Herriarekin lotura bizirik mantentzen duten produktu batzuen aukeraketa bat egin dizugu. Sari ugari irabazi dituen sagardoa, eskuz egindako zeramika, liburu, gozogintza eta destilatuak, eskaintza zabal eta goxoa dugu eskuartean, guztiak ere Diasporan sentitu eta ospatzen den euskal identitate baten izenpean.

— ‘Zirimiri’, euskal nortasuna duen zeramika artisaua.. Mateak, katiluak, edalontzi txikiak, ontziak, pinak, pinguinoak, Gabonetako zuhaitzerako apaingarriak eta beste hainbat objektu eder euskal motiboekin, oparitzeko zein erabiltzeko. Txitxo Abasolok gonbidapen berezia luzatzen du bere tailerra bisitatzeko (San Luis 3122, Anchorenarekin kantoian, 4. txirrina barrutik, Abasto, CABA). Datorren ostiralean, abenduak 12, 19etatik 23:30era. ‘Zirimiri, el tailerra. A puertas abiertas’ izenpean, egun berezi bat antolatu du, bertako espazioa ezagutzeko eta Txitxo beraren zein bertan lanak erakutsiko dituzten beste 14 artistaren sorkuntzak eskuratzeko. Proiektu guztiak tokikoak, autogestionatuak eta emakumeek gidatutakoak dira: zeramika, norbera eta etxea zaintzeko produktuak, ilustrazioak, argazkigintza, bitxiak eta osagaiak, produktu agroekologikoak eta tatuajeak topa daitezke. Txapela sagardoarekin topa eginez amaituko da jaia. Ez galdu! Zirimiriren lanak Instagramen ikus ditzakezu: zirimirizeramika.

— 'Txapela' Sagardo Naturala. Argentinako Patagonian egina da 'Txapela', Euskal Herriko errezeta tradizionalari leial: gasik eta azukrerik gabea. Milena Aramburu eta Xabier Aguirreren proiektu honek sari handia jaso du berriki Asturiasko Sagardoaren Nazioarteko Aretoan, 18 herrialdetako 236 sagardorekin lehian. 'Txapela'k Brontzezko Domina lortu du, eta euren beste sorkuntza batek, 'Julia & Echarren' sagardo naturalak, Zilarrezkoa. Abantaila esklusiboarekin dator EuskalKultura.eus-eko irakurleentzat! Aipatu sari ospatzeko eta lorpena komunitatearekin partekatzeko, deskontu berezia eskaintzen die EuskalKultura.eus-eko irakurleei. www.tiendadesidras.com webgunean sartuz gero, eta ‘EK10%’ kodea jarrita, irakurleok %10eko deskontu gehigarria izango dute erosketan. Horrez gain, berritasunak eta aurkezpenak (hala nola Gin Berriz eta Maitasuna ozpinak) sare sozialetan jarraitu daitezke. IG: txapelasidra, FB: txapelasidravascanatural.

— 'Ama Maitea', chutney patagoniarra. ‘Ama Maitea’ (sic) euskarazko izen polit honekin bere amari gorazarre egiten dio Maite Caracotchek, bere errezeten inspirazio iturri nagusiari. Chubut ibaiaren Beheko Haraneko fruituekin egindako saltsa gazi-gozoak dira, gehigarririk eta kontserbatzailerik gabe, haragiekin eta beste jaki batzuekin laguntzeko aproposak. amamaitea.ar webgunean produktuak, bere historia eta salmenta puntuen gaineko informazio gehiago aurkituko duzu (Chubuten, CABA, Tigre eta Tandil). Herrialde osora bidaltzen dute, baita harago ere! WhatsApp: 549280-4387516.

— ‘Amurrio’, gozogintza eta txokolategintza artesaua. Cecilia Canz Aranoa gozogile eta euskara irakaslearen eskutik iritsiko dira gure mahaira baserrian inspiratutako Gabonetako jaki gozoak. Euskal pastela, pastelak, postreak, opil gozoa (panettone) eta stollen (alemaniar ogi tipikoa) eskaintzen ditu. Gabon Gauean gozatzeko edo oparitzeko aproposak. CABA eta inguruetan bizi direnek harekin harremanetan jarri eta eskaera egin dezakete Instagram bidez: amurrio.pastelería.

— Lauburu Edizioak. Oparitzeko edo norberak bere buruari oparitzeko, liburua beti da aukera ona, eta are hobea beherapenez bada. Lauburu Euskal-Argentinar Argitaletxeak euskal gaia duten argitalpenen katalogo interesgarria eskaintzen dizu (ikus hemen). Argitaletxeari zuzenean bi liburu edo gehiago erosiz gero, %20ko deskontua izango duzu. Jarri harremanetan sare sozialen bidez (IG: edicioneslauburu, Facebook: Ediciones Lauburu) edo posta elektronikoz: edlauburu@gmail.com. Bidalketak Argentinako Postaren bidez egiten dira herrialde osora. CABAn liburuak biltzeko puntuak: Mandragora liburu-denda (Villa Crespo), La Libre (San Telmo) edo Sudestada (Tribunalak). Argitalpen batzuk Euskaltzaleak-en ere aurki ditzakezu (Bernardo de Irigoyen 826. IG: idiomavasco), La Comuna edo Aupa liburu-denda birtualetan.

— ‘Eguzki’, eskuz margotutako portzelana. Ethel Arreguik, Pergaminokoa, eta Lagun Onak-eko kide aktiboa, bere euskal pasioa 'Eguzki' proiektuan gauzatzen du. Arte objektuak eta pieza funtzionalak pintatzen ditu, denak portzelanazko pieza bakarrak: platerak, katiluak, erretiluak eta erlojuak. Euskal motiboak dituzte guztiek, eta nortasun sentimendu sakona. Jarri harremanetan Ethelekin zure eskaera edo kontsultarako, WhatsApp bidez: 2477-347800.

— ‘Aitunea’, euskal kultura koloretan. María Viriginia Laordenek objektuak diseinatu eta egin egiten ditu, euskal ukitu koloretsu eta modernoarekin. Kamisetak, katiluak, mateak, pegatinak, txapak, giltzariak, pinak eta beste gauza asko. Cañuelasko tailerretik, posta bidezko bidalketak egiten ditu herrialde osora. Oraindik ezagutzen ez baduzu, bere lana Instagramen ikus dezakezu: Aitunea, eta eskaerak WhatsApp bidez egin: 2226-458060.

— ‘Hector’, destilatuak. Nico Pescio, euskaltzale eta destilatzaile artisaua, bere gin berezia ekoizten du, Buenos Aires probintziako Mercedes herriko landa-guneetako zaporeetan inspiratuta. Duela gutxi, "Macanudo" vermuta merkaturatu du, Original, Distinto eta Místico bertsioetan. Edari sofistikatuak, paregabeak urte amaierako topaketetarako. Instagramen aurkitu dezakezu: hector.gindeautor. Eskaerak WhatsApp bidez: 2324-594595.

— ‘Vasca’, larruzko zorroak eta osagarriak. Vera Lisa Bergalli Erviti jantzi-diseinatzailea da eta 'Vasca' zuzentzen du, larruzko zorro eta osagarrien ekoizpenean aritzen den taldea. Duela 15 urte, bere ekintzarako izena aukeratzerakoan, Jesus aitonari —Obanosen jaiotako nafarra— omenaldia egitea erabaki zuen. 'Vasca'-k mota eta tamaina, kolore eta estilo desberdinetako poltsak, zorroak, motxilak eta gerriko-poltsak eskaintzen ditu, guztiak eskuz eginak. Artikuluak bere webgunean eta online dendan ikus ditzakezu: vasca.com.ar, baita sare sozialetan ere: Facebook: Vasca.Carteras, Instagram: vascabuenosaires.