Donostia-San Sebastian. Estatu Batuetako Flix Latino plataformak 'Ihesaldia' minitelesaila, ETBk eta Pausolak ekoitzia Jabi Elortegi zuzendari, estreinatuko du otsailaren 27tik aurrera eta, izan ere bere jatorrizko bertsioan ikusi ahal izango da, azpitituluta. Bost atal dauzka eta 1976ko abenduan Bizkaian Basauriko espetxean egiazki gertatu zen pasadizo bat hartzen du oinarri, bertako preso talde batek bere ihesaren itxurak egin eta, inork pentsatzen ez zuena, espetxean segitzen zuten, teilatupeko zulo batean ezkutatuta, tunel bat egiten ihes egin ahal izatearren.
Ihesaldia telesaila otsailaren 27an estreinatuko dute euskaraz Estatu Batuetan
Iñigo Aranbarri eta Xabier Perurena dira aktore protagonistak, ihesaldian sartutako bi etakiderena egiten. Eurekin batera Xabi 'Jabato' López eta Aitor Borobiak ihesaldian parte hartzen duten bi preso komunena egiten dute eta iheslarietako beste bi preso politikorena, Jon Ander Alonso eta Aitor Beltranek. Aktoregoa osatzen dute Nerea Gorriti, Miren Arrieta, Jon Olivares, Paco Revueltas,eta Miren Gojenola eta Mikel Laskurainek. Gidoia Xabi Zabaleta, Asier Gerrikaetxebarria eta Aitor Eneriz-ena da, argazki zuzendaritza Txarli Argiñanoren ardura eta ekoizleburu dira Itziar Zeberio eta Xabi Zabaleta.
Telesaila joan den abenduaren 15ean estreinatu zuen ETB1ek.
Lagun bati bidali
Komentarioa gehitu
