euskalkultura.eus

euskal diaspora eta kultura

Albisteak rss

Estatu Batuak: Aita Antton Egiguren euskal omoniera eta Gernikako alkate Jose Mari Gorroño, Cenarrusa Sariak 2021

2022/01/11

Aita Antton Egiguren eta Jose Mari Gorroño, 2021eko Cenarrusa Sariak, Boisetik Cenarrusa Fundazioak adierazi duenez
Aita Antton Egiguren eta Jose Mari Gorroño, 2021eko Cenarrusa Sariak, Boisetik Cenarrusa Fundazioak adierazi duenez

PUBLIZITATEA

Boise, Idaho, AEB. Jose Mari Gorroño, Gernikako alkatea, eta aita Antton Egiguren, AEBko euskaldunen omonier edo kapilaua, dira Boiseko Cenarrusa Fundazioaren urteroko Cenarrusa Sarietako 2021eko hautatuak. Saria abendu oro, Pete Thomas Cenarrusa hautetsi eta buruzagi euskal-amerikarraren jaioteguna zen 16arekin bat eginez adierazten dute Boisen, Cenarrusak hezurmamitu eta gorpuztu zituen zerbitzu publiko balioen, integritatearen, euskara eta euskal kulturaren edota eskubide zibilen defentsan nabarmendutako pertsonei.

Sarituak, Euskal Kulturaren aldeko Cenarrusa Fundazioaren Zuzendaritza Batzordeak aukeratzen ditu, publikoak Fundazioaren webgunean urtero urriaren lehenetik azaroaren 15era bitartean utzitako hautagaien artean. Hautagaiak norbanakoak zein elkarte edo erakundeak izan daitezke, Estatu Batuetakoak zein atzerrikoak.

Cenarrusa Awards edo Cenarrusa Sariak 2020an sortu ziren, eta estatuatxo bat eta mila dolarreko zuzkidura daukate. Lehenengo edizioan, Anita (Anacabe) Franzoia (Estatu Batuetako atalean) eta Juan Jose Ibarretxe lehendakaria (nazioartekoan) saritu zituzten.



« aurrekoa
hurrengoa »

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia