euskalkultura.eus

euskal diaspora eta kultura

Albisteak rss

Elvira Kortajarena ordezkariak Denak Bat EEa bisitatu eta euskal turismoa aurkeztu zuen Mar del Platan

2010/04/15

Kortajarena ordezkaria Mar del Platako Denak Bateko buruzagiekin batera euskal etxera joan den ostiralean egin zuen bisitan
Kortajarena ordezkaria Mar del Platako Denak Bateko buruzagiekin batera euskal etxera joan den ostiralean egin zuen bisitan

PUBLIZITATEA

Eusko Jaurlaritzaren Argentinako ordezkariak, Elvira Kortajarenak, Mar del Platako Denak Bat Euskal Etxearen egoitza bisitatu zuen joan den ostiral eguerdian, bertako lehendakari Jose Martin Azarlozarekin eta Zuzendaritza Batzordeko kideekin bilduz. Euskal Etxea ezagutzeaz gainera, Euskadiko ordezkariak turismo aurkezpen batean parte hartzea zekarren baita ere agendan, eta hala hartu zuen parte arratsaldean hiriko hotel batean ehun bat turismo arloko eragile eta langileen aurrean Euskadik eskaintzen dituen eskaintza turistikoez mintzatu eta herrialdea ezagutzeko gonbitea luzatu zienean, Espainiako Enbaxadak antolatutako ekitaldi batean.

Mar del Plata, Argentina. Euskadiko Ordezkaritzatik banatu duten prentsa agiriak azaltzen duenez, Euskadiren Argentina, Brasil, Paraguai eta Uruguairako ordezkari den Elvira Kortajarena bi helbururekin bidaiatu zen Mar del Platara, izan ere bertako Euskal Etxea ofizialki bisitatu eta bertako buruzagiekin biltzeaz gain, Euskadirako turismoa eragite eta suspertze lanetan ibili baitzen alor horretako ehun bat profesionalen aurrean.

Kortajarena ostiral eguerdian iritsi zen Denak Bat-en egoitza den Mar del Plata erdiguneko Moreno kalera. Bertan Euskal Etxeko lehendakaria, Jose Martin Azarloza, eta Zuzendaritza Batzordeko zenbait kide eta ordezkari zeuden. Euskal Etxea bisitatu eta anfitrioek lehen eskuko informazioa eman zioten elkarteak garatzen dituen ekimen eta programez, baita egoitzan egiten ari diren berrikuntza lanez eta baita ere datorren urrian Mar del Platan Denak Batek antolatuko duen Euskal Aste Nazionalaz, aurtengoan edizio berezia, Argentina herrialde gisa ospatzen ari den Bigarren Mendeurrenarekin batera baitator, Bigarren Mendurreneko Euskal Aste gisa izan delarik jadanik bataiatua.

Arratsaldeari dagokionez, Kortajarena Mar del Platako Hotel NH Panoramaran turismo alorreko ehun bat profesional maiorista eta minoristen aurrean mintzatu zen, Euskadik destino turistiko gisa dauzkan abantailak azalduz, bukatzen da Ordezkaritzaren oharra.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia