euskalkultura.eus

euskal diaspora eta kultura

Albisteak rss

CEMLA bilatzaileak zeure arbasoak ze egunean eta ze ontzian iritsi ziren Argentinara jakiten lagunduko dizu online

2022/05/16

CEMLAren bilatzailean segundu gutxitan topa dezakezu Argentinara iritsitako zeure arbasoak noiz eta nondik egin zuen eta pare bat datu gehiago
CEMLAren bilatzailean segundu gutxitan topa dezakezu Argentinara iritsitako zeure arbasoak noiz eta nondik egin zuen eta pare bat datu gehiago

PUBLIZITATEA

Buenos Aires, Argentina. “Itsasontzi baten, Euskal Herritik kanpora, naramate …” kantua datorkigu burura, aurten hil zela 20 urte bete diren Kaxiano Lizartzako itsuak euskaldunen emigrazioa gogoan hainbatetan kantatu ziguna. Izan ere, barkuz etorri ohi ziren gure aiton-amonak Ameriketara, kasu honetan Argentinara. Baina, noiz eta zein barkutan iritsi ziren ba al dakizu? Hori eta zein portutik sartu ziren Argentinan jakiteko bidea errazten digu orain Centro de Estudios Migratorios Latinoamericanos (CEMLA) erakundearen webguneak.

Izan ere Argentinara iritsitakoen zenbait datu eskaintzen dituen on lineko bilatzailea garatu du CEMLA 1985 urtetik immigrazioaren inguruko dokumentazioa bildu, gorde eta eskaintzeaz arduratzen den erakundeak. Arestian aipatutakoez gain, etorkinek zuten ogibidea eta Europako zein portutik abiatu ziren argitzen digu. Etorkinaren izen-abizenak besterik ez dira behar iritsi zeneko data zehatza jakin ahal izateko, baldin eta 1800 eta 1960 urteen bitatekoa bada. Bilaketa burutzeko, captcha kode baten bidez egiaztatuko da erabiltzailea.

Arttikulu hau idazteko guk geuk ere egin dugu aproba. Hasteko, www.cemla.com/buscador-n sartu gara. Etorritako birramona, birraitona, amona, aitona edota senitartekoaren izena eta abizena idatzi ditugu eta, bilaketa errazteko, baita gutxi gorabehera iritsitako urtea ere (ez badaukadu data, utzi dagoen bezala). Bukatzeko, captcha kodea zuzen idatzi baliozkotzeko.

Ea zorte on, ea zure ahaideak topatzen dituzun!



« aurrekoa
hurrengoa »

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia