euskalkultura.eus

euskal diaspora eta kultura

Albisteak rss

'Gure Kanta' du izena Mendozako Euskal Etxean sortzen ari diren abesbatzak; abestea gustukoa baduzu, anima zaitez!

2022/05/13

Euskal kantak abestuko ditu "Gure Kanta" abesbatzak, Adrian Rodriguez zuzendaritzapean
Euskal kantak abestuko ditu "Gure Kanta" abesbatzak, Adrian Rodriguez zuzendaritzapean

PUBLIZITATEA

Mendoza, Argentina. Aspaldidaniko ametsa betetzeko asmoz, Mendozako Denak Bat Euskal Etxeak abesbatza bat sortzeko prozesuari ekin dio. Proposamena, euskal errepertorioa euskaraz eta gaztelaniaz interpretatuko duen ahots talde bat abiatzea da, hutsetik hasita. Abesbatzak badu izena dagoeneko, 'Gure Kanta', baita logoa ere. Zuzendaria Adrián Rodríguez izango du, Mendozako musikari multi-instrumentista, esperientzia handikoa abesbatzen zuzendaritzan.

Izan ere, beste hainbat euskal etxetan bezala Mendozan ere itzultzen joan dira aurten ekitaldi presentzialak. Abiatu dira dagoeneko, esaterako, musean aritzeko ostiralak, astero hogei bat muslari bildurik urte asko dituen hitzorduari segituz. Martxan da baita ere euskal zinema eta pintxoen zikloa, urtea hasi zenetik bi topaketa arrakastatsu eginda. Edota “Mujeres en Forma” taldea, jarduera fisikoa egitea helburu Leonor Azpillaga irakasle duena, birritan astean.

Larunbat honetan ongietorria euskara ikasleei

Euskara eskolei dagokienez, euskal etxeko irakasle Lautaro Pincheirak adierazi dio Euskalkultura.eus-i urtetik urtera goraka doala euskararekiko interesa eta horrekin batera ugaltzen doazela taldeak. Aurten, konparazio, bost dira maila desberdinetako ikasle-taldeak, aurrez aurre eta online klaseekin. Larunbat honetan egingo dute, egin ere, ikasle guztientzako ongietorri bilera. Badira urte batzuk Lautaro Mendozako EEan ari dela irakasle eta aurten, Bahia Blancakoek hala eskaturik, hangoentzat ere arituko da, online.

'Gure Kanta' abesbatzan parte hartu nahi dutenak gonbidatuta daude lehenengo entzunaldira, maiatzaren 19an, arratsaldeko 7.30etan, Euskal Etxean.

Gustukoa baduzu kantatzea, zergatik ez, anima zaitez!



« aurrekoa
hurrengoa »

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia