euskalkultura.eus

euskal diaspora eta kultura

Albisteak rss

Cañuelaseko Euskal Etxeak sutzar batekin izpiritu gaiztoak uxatu zituen San Juango Gau magikoan

2008/07/03

Cañuelaseko Denak Bat Euskal Etxeak espiritu gaiztoak uxatu eta panpin erraldoi bat erre zuen (argazkia InfoCañuelas)
Cañuelaseko Denak Bat Euskal Etxeak espiritu gaiztoak uxatu eta panpin erraldoi bat erre zuen (argazkia InfoCañuelas)

PUBLIZITATEA

Mundu osoko euskal etxe askok egin duten era berean, Cañuelaseko Denak Bat-eko kide eta lagunek San Juan Gaua festa ospatu zuten iragan larunbatean. Jaiak neguari harrera egiten dio Hego Hemisferioan (udari Ipar Hemisferioan) eta urteroko tradizioa jarraituz sorginez mozorrotutako gazteek desfile bat egin zuten hiriko kaleetan zehar. Gauean, partaideek panpin erraldoi bat erre zuten eta elkarteko dantzariek Euskal Herriko dantzak eta kantak eskaini zituzten sutzarraren inguruan.

Cañuelas, Argentina. Buenos Aires probintziako hiri honetako herritarrek sasoi berriari ongi etorri egin  ta izpiritu gaiztoak uxatzeko aukera eduki zuten iragan larunbatean San Juan Gaueko ospakizunarekin. Herriko kaleetan zehar eginiko sorgin-desfile batekin ekin zion Denak Bat Euskal Etxeak festa jardunaldiari eta azti eta sorginez mozorrotutako adin guztietako gazteek parte hartu zuten ekitaldian.

San Juan Gaua Cañuelasen6
[Cañuelaseko kaleetan zehar egindako desfilean gazte askok parte hartu zuten sorginez mozorrotuta]

San Juan Gaua Cañuelasen4
[Panpin erraldoia zelaian ipini zuten gauean erretzeko]

Ibilaldia Rawson eta Maiatzaren 25eko zelaian amaitu zuten. Bertan, panpin erraldoi bat eraiki zuten elkarteko kideek, San Juan suan erretzeko. Usadioak agintzen du suaren gainetik salto egin behar dela urtean zehar gaixotasunik ez pairatzeko baina Cañuelaseko sutzarra handiegia zen eta panpin erraldoia erretzearekin batera, elkarteko dantzariek sutzarraren inguruan Euskal Herriko dantzak eta kantak eskaini zituzten.

San Juan Gaua Cañuelasen1
[Rawson eta Maiatzaren 25eko zelaian bildutako ikusleen ikuspegi orokorra]

San Juan Gaua Cañuelasen2
[Euskal Etxeko kideek dantza eta musika eskaini zuten sutzarraren inguruan]

San Juan Gaua Cañuelasen3
[Partaideek espiritu gaiztoak uxatu zituzten panpin erraldoiaren erretzearekin (irudi multzoa InfoCañuelas.com)]


Lotura interesgarriak

InfoCañuelas
www.infocanuelas.com



Komentarioak

  • 123456

    que sarpadoooooooooooooooooooooooooo

    leandro04, 2009/04/01 19:56

« aurrekoa
hurrengoa »

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia