euskalkultura.eus

Bilbo, Bizkaia. Kalitatezko materialak, begibistako dotorezia eta euskal marka  eta zigilu nabaria, hiru hauek dira Boiseko Ahizpak diseinu-enpresak aurkezten dituen mozkin eta produktuetako ezaugarri nagusiak. Tradizioa eta izaera garaikidea bat eginda. Ahizpak Boisen, Maite eta Izar Iribarren-Gorrindo ahizpa euskalamerikarrek sortutako enpresa bat da eta Boiserekin batera, bihar erakustaldi bat egingo dute, printzipioz egun bakar batez, Bilbon.

Boisen produktu askoren diseinatzaile dira, webguneetatik hasita, pitxi, apaingarri pertsonalak, argazkiak, dekorazio elementuak eta haltzariak ere diseinatzen dituzte, besteak beste. Bilbon, ordea, euren emaitzen parte bat bakarrik erakutsiko dute. Baina seguru, aski dela publikoaren zati handi bat liluratuta uzteko eta honelako produktuez esan daitekeen gauzarik onena esanarazteko erakusketaren bisitariei: benetan, gauza politak dira.

Larunbat honetakoa, baliatu beharreko aukera da zuzenean eta lehenengo eskutik ezagutzeko Diasporan egiten diren gauzak, kasu honetan arte eta diseinu alorrean. Baina, ez pentsa, euskal pitxi hori euskalduna eta aldi berean 'Made in USA' izatea gehigarri bat baino ez da, Ahizpak-en diseinuak jendeak polital direlako erosten baititu. Zer opari hoberik Olentzerok ekar dezan!

-Internetez ikusi edota erosi nahi baduzu: www.ahizpak.com
-Facebook: http://www.facebook.com/pages/Ahizpak-Designs/38050491584?v=wall

-Telefonoak (Estatu Batuetan): (208) 484-0260 / (208) 866-1320
-Telefonoa (Euskal Herrian): 615 748972