Berlin, Alemania. Berlingo Freie Universität unibertsitatean euskara eta euskal kultura irakurle berria hautatzeko prozesua abian du Etxepare Euskal Institutuak. Hautatuko pertsonak euskara eta euskal kultura eskolak emango ditu Alemaniako unibertsitate honetan 2026-2027 ikasturtean hasita. Interesatuek graduko titulu edo lizentzia beharko dute izan, eta Euskarazko C1 (PL3) maila edo baliokidea, Alemaneko A2 maila eta baita ingeleseko B2 maila egiaztatua ere. Euskal Filologia, Euskal Ikasketak edo Itzulpengintza eta Interpretazioko (A Hizkuntza: euskara) gradu edo lizentziaturak dituztenak eta euskararen arloko masterrak lehenetsiko dira; baita euskararen C2 (4PL4) maila egiaztatuta dutenak ere.
Eskabideak ekainaren 19rako beharko dira aurkeztu, online, aurrez-aurre edo baimendutako beste bide batetik (posta...). Pertsona hautatuak 2026ko irailaren 27a baino lehenago beharko du bertaratu unibertsitatera, klaseak ematen hasteko. Kurtso baterako kontratua Freie Universität-ekin sinatuko du eta urtebete luzatu daiteke, irakurlea, unibertsitatea eta Etxepare Euskal Institutua ados badaude.
Lagun bati bidali
Komentarioa gehitu
