Chivilcoy, Argentina. Covid-19ak eragindako neumonia latz baten ondorioz Beti Aurrera Euskal Etxeko lehenengo euskara irakaslea izan zen Marta Invernoz hil zen urriaren 6an. Osasun neurriak direla eta hiletarik ez zen egin, baina hil-autoa Euskal Etxearen aurrean dagoen Gernika Plazatxoan gelditu zen. Bertara bildu ziren hainbat lagun, kultur erreferente handia ere izan zen irakasleari azken agur hunkitua emateko.
Chivilcoytik, euskal komunitateak bere lagun, irakasle eta lankide izandakoari emaniko azken agur gisa bidali digute irudi hau, Martaren heriotzak sortu duen atsekabearen eta atxikimenduaren isla, pandemia garaian egonik ere hainbat jendek --euskal komunitatetik kanpoko asko ere tartean-- hurbildu nahi izan baitzuten Euskal Etxe ondora bere hurbiltasuna eta nahigabea adierazteko eta dolua partekatzeko familia eta lagunekin.
Izan daitezen lerro hauek sentimentu horrekin bat egiteko modua. GB
Lagun bati bidali
Komentarioa gehitu
