euskalkultura.eus

euskal diaspora eta kultura

Albisteak rss

Asteazkenean hasiko da Donostiako Kursaalen Euskal Gizataldeen 5. Mundu-Batzarra

2011/10/28

'Guztion artean' da 5. Mundu-Batzarreko leloa
'Guztion artean' da 5. Mundu-Batzarreko leloa

PUBLIZITATEA

Prest dago dena Donostian asteazkenean abiatuko den Euskal Gizataldeen 5. Mundu-Batzarrerako. Bertara 22 herrialdetako 80 bat euskal erakundetako ordezkari bilduko dira. Bihar bertan hasiko dira heltzen Diasporako euskaldunak, baina kongresuaren jardunaldiak azaroaren 2tik 4ra egingo dira. Hiru egun horietan egitarau mardula du bilkurak: kongresuko saioak, Euskal Herria Mugaz Gaindi mintegia, ikasleentzako jardunaldi bereziak, liburu aurkezpenak eta Diasporarekin harremana duten elkarte eta erakundeen azoka. EuskalKultura.com-ek ere standa izango du Kursaalean, hantxe ikusiko dugu elkar!

Donostia-San Sebastian. Donostiako Kursaalen egingo da asteazkenetik aurrera Euskal Gizataldeen 5. Mundu-Batzarra, lau urtean behin Diasporako euskal etxe eta federazioen ordezkariak biltzen dituen topaketa. Edizio bakoitzean Eusko Jaurlaritzak eta euskal etxeek sustaturiko lau urteko egitasmoen balioespena eta hurrengo lau urteetarako norabidea finkatzeko hausnarketa egiten da. Halaber, euskal etxeetako ordezkariek euren esperientziak, arazoak edo kritikak agertzeko parada izaten dute. Topaketa, gainera, Diasporako kideen artean harremanak sendotzeko eta sinergia berriak sortzeko aukera izan ohi da.

Aurten 22 herrialdetako 80 bat ordezkarik parte hartuko dute kongresuan eta Gaztemundu programako Diasporako 30 gazteek ere bat egingo dute eurekin. Kongresuak hainbat ekimen uztartuko ditu aurtengoan, batzarreko saioen inguruan. Irekiak izango dira ekimen guztiak, batzarreko jardunaldiak izan ezik.

Jarraian jarduera bakoitzeko programak bildu ditugu:

Kongresua

Asteazkenean hasiko dira saioak eta euskal etxeek, federazioek eta HABE eta Etxepare bezalako erakundeek aurkezpenak egingo dituzte. Arratsaldean Patxi Lopez lehendakariak ofizialki inauguratuko du Kongresua eta mende bat baino gehiago duten euskal etxeei omenaldia egingo zaie.

Ostegunean, Kongresuaren barruan, "Euskal Herria Mugaz Gaindi" mintegia egingo da. Ostiral goizean hitzaldi eta txosten aurkezpen gehiago egingo dira eta arratsaldean Kongresuaren konklusioak landu eta bilduko dira. 

-Programa osoa, hemen

EUSKAL HERRIA MUGAZ GAINDI MINTEGIA

Esan bezala, Kongresuaren bigarren eguna euskal diasporari buruzko mintegiak hartuko du.

-Programa, hemen.

HITZALDIAK IKASLEEI

Aurtengo edizioko beste berritasun bat eskola eta ikastoletako ikasleentzako hitzaldiak izango dira. Egitasmo honen helburua euskal kurrikulumean sartuta dagoen euskal emigrazioari buruzko ikasketa materiala sortzea da. Euskal emigrazioari buruzko dokumental hauek izango dira ikusgai Kursaalean: 'Basques in the West', 'Artzainak' eta 'Zuretzako'.

-Programa, hemen

LIBURU AURKEZPENAK

Kongresuan Kanpoko Euskal Herritar eta Gizataldeentzako Zuzendaritzak saritu, argitaratu edo eskuratu dituen liburuak aurkeztuko dira.

P-rograma, hemen.

GIZATALDEEN AZOKA

Kongresuan zehar Diasporarekin harremana duten zenbait erakunde eta elkartek standa jarriko dute Kursaalean. EuskalKultura.com ere izango da bertan.

-Euskal Gizataldeen 5. Mundu-Batzarrari buruzko informazio osoa webgune honetan eta Facebook-en.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia