euskal diaspora eta kultura
2016/06/06
Luis Zaldua notarioa berriz ere hautatu dute Uruguaiko 'Saltoko Euskaldunen Taldea' Euskal Etxeko lehendakari. Euskal elkarteko fundatzaileetakoa izan zen bera eta aurretik ere 2003-2004an izan zen presidente. Zuzendaritza Batzordean lagun dauzka Hugo Llona, lehendakariorde; idazkari Ana María Zaldúa; idazkariorde, Analía Moreale Olaizola; diruzain, Fernando Urroz; diruzainorde, María Inés Bentancor; eta batzordekide María Noel Arrúa. Saltoko Diario El Pueblok argitara emaniko artikulua laburbildu dugu hona.
2016/06/06
Nafarroako lehendakariak, Uxue Barkosek "Nafarroatik atera behar izan zutenen lan eta ahalegina" aitortu zuen Lekunberrin, bertan joan den larunbatean ospatu zen 'Kanpoan den Nafarren' 28, edizioan. Ia mila pertsona bildu ziren Espainiako Nafarroako Etxeen Federazio Nazionalak foru gobernuaren sostenguz antolatutako ekitaldi honetara. Barkosek Nafarroaren nortasuna eta kultura atxiki eta zabaltzen erakutsitako interesa eta jarduna eskertu zien.
2016/06/03
Orain arte egin ez baduzu, hobe emaila oraintxe bidaltzea. Gaur azken eguna da EuskalKultura.com-en zozketan parte hartzeko. Honako sariak lortuko dituzte irabazleek: Joan Errearen 'Aita deitzen zen gizona' liburu ederra; 'Boga boga' CD eta liburuska, 22 'betiko' euskal marinel kanturekin bakoitza bere doinu, hitzak eta audioarekin; Korrontzi talde getxoztarraren Korrontzi CD bikoitza; eta laugarren saria, euskal eranskailu sorta bat, ikurriña eta euskal koloreekin, autoan edo nonahi ipintzeko.
2016/06/03
1842an Oñati utzi eta Uruguaira emigratu, eta bertan Oronozko Lasarte deiturako emakume batekin ezkondu zen Yarza baten ondorengoa da. Enrique Yarza Rovira montevideotarra da, abokatua, historialari eta genealogista. Zenbait liburu idatzi ditu, baita artikulu eta ponentziak ere bere herrialdeko historia eta genealogia aztertuz; eta aurkeztu berria du Montevideon bere azkeneko liburua, Juan Martin Beracochea izeneko bere arbaso "iheskor" bat gailenduz.
2016/06/03
Ezusteko galanta hartu zuten Pedro Txikuri, Santi Txikuri, Enrique Bonilla eta Rafael Badiola pìlotari ohiek iragan maiatzaren erdialdera Mexiko hirian jaso zuten omenaldian. Pablo San Roman sukaldari donostiarrak antolatutako "De la pelota a la cocina" festaren baitan gertatu zen ekitaldia, eta pozik hartu zuten bai pilotariek eta baita euren senitartekoek ere.
2016/06/03
Une gozoak bizi izan ditu Patagonia argentinarreko Comodoro Rivadaviako Euskal Etxeak azken asteetan. Izan ere, hiriarentzat garrantzi handia duten bi ekimenetan hartu du parte, abesbatza eta dantzariekin. Maiatzean, gainera, 93 urte bete eta ospatu egin zuen, lagun arteko bazkari batekin. Aktibitate hauetaz gain, Sara Pagola ordezkariaren bisita izan zuten comodorotarrek. “Oso euskal etxe aktiboa, eta gazte askorekin, aurkitu nuen Comodoron”, aitortu dio Pagolak EuskalKultura.com-i.
2016/06/02
Sare sozialetan pauso berria eman du Lapridako Lagunen Etxea elkarteak webgunea estrenatuz. Iragan maiatzaren 30ean aurkeztu zuten interneten webgunea eta hemendik aurrera bertan emango dituzte argitara elkarteari buruzko berriak. Zorionak egindako lanarengatik eta webgunearen diseinu alai eta erakargarriarengatik!
2016/06/02
Lekunberrin ospatuko da aurten Kanpoan dauden Nafarren XXVIII. Eguna. Espainiako Nafar Etxeen Federazioak Nafarroako Gobernuarekin batera urtero antolatzen duen egun osoko ekitaldi honek foru komunitatetik kanpo bizi diren nafarrak gogoratzea eta euren arteko hainbatentzat --bereziki Espainiako estatuan daudenentzat-- biltzeko aukera bat ematea dauka helburu. Data, berez, larunbata bada ere, bezperan, ostiralean, ekitaldi instituzional batzuk antolatu dira Udaletxean eta baita bisita bat ere Plazaolaren geltokira.
2016/06/02
Ekaineko lau astelehenetan lau euskal film proiektatuko ditu La Platako Unibertsitateko Euskara eta Euskal Kultura Irakurletzak. Lehenengo saioan ‘Amama’ pelikula proiektatuko da, Iraia Elias protagonista lagun. Emanaldiak La Platako Pasaje Dardo Rocha Kulturgunean izango dira eta sarrera libre eta doakoa.
2016/06/01
Etzi azken eguna da EuskalKultura.com-en zozketan parte hartzeko. Honako sariak lortuko dituzte irabazleek: Joan Errearen 'Aita deitzen zen gizona' liburu ederra; 'Boga boga' CD eta liburuska, 22 'betiko' euskal marinel kanturekin bakoitza bere doinu, hitzak eta audioarekin; Korrontzi talde getxoztarraren Korrontzi CD bikoitza; eta laugarren saria, euskal eranskailu sorta bat, ikurriña eta euskal koloreekin, autoan edo nonahi ipintzeko. Azken egunak parte hartzeko.
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
