Hiru urte bete ditu Rio Grande do Sul-eko Euskal Etxeak eta tarte labur honetan makina bat ekimen egin ditu jada, Brasil hegoaldean euskal kultura eta ondarea berreskuratu eta sustatze aldera. Orain elkarteak zuzendaritza batzordea berritu egin du, eginahala horretan indar eta gogo berberarekin jarraitzeko asmoz, eta jarduera berria iragarri du datorren urriaren 4rako: Mendebaldeko Mugako Lehendabiziko Euskal Topaketa. Uruguayana hiri eta inguruetako euskaldunei zuzendua da bereziki topaketa, eta bertan, besteak beste, Argentinatik etorritako lagunek ere parte hartuko dute, zehazki, Paraná hiriko Urrundik Euskal Etxeko dantza taldeko kideak.
Uruguayana, Brasil. Rio Grande do Sul Euskal Etxeak topaketa deitu du Uruguayana hirian, bertako euskaldunen ondorengoen artean euskal etxearen berri emateko. Topaketa hiriko "Casa de los Ovinocultores" gunean egingo da, bertan ospatuko den Abeltzantza Azokaren baitan.
Topaketaren egitarauan azpimarragarria da Argentinatik helduko den Urrundik Euskal Etxeko dantza taldearen partehartzea. Horrez gain, RGS euskal etxeko presidentak, Ana Luiza Panyagua Etchalusek, elkartearen aurkezpen bat egingo du eta, abeltzantza azokarekin lotuta, Adriano Echevarne albaitariak euskaldunen abelzaintza eta, batez ere, artzaintza teknikak izango ditu hizpide. Topaketa lagunarteko giroan amaitzeko, afaria egingo dute partehartzaileek.
Bertara bildu nahi dutenek, aldez aurretik izena eman beharko dute Facebookeko topaketaren deialdian: 1er Encuentro de vasco-descendientes de la Región de la Frontera-Oeste Gaúcha
Bestalde, elkarteak hauteskundeak egin ditu eta zuzendaritza batzordea berritu du. Horrela gelditu dira euskal etxearen organigrama:
ZUZENDARITZA BATZORDEA
-Presidente: Ana Luiza Panyagua Etchalus
-1go Presidenteorde: Carlos Alberto Tellechea Madeira
-2. Presidenteorde: Valério Azkonobieta Ferraz
-Zuzendari orokorra: Elimar de Castro Insaurriaga
-Batzordea: Jose Manuel Liceaga, Adayr Insaurriaga, Pedro Sorondo, Fernanda Etchepare
LAGUNTZAILEAK
-Kultura: Claudia Etchepare
-Genealogia: Diego Moreira
-Artea eta Folklorea: Ederson Otharan y Mellina Etchegaray Mattos
-Diruzaintza: Oscar Lorenzo e Vera Inez Tellechea Gallarreta Salgueiro
-Gazte taldea: Carolina Etchepare, Laura Etchalus de Macedo, Julio Zabaleta e Helena Insaurriaga Patzold
-Komunikazioa, Webgunea eta Sare Sozialak: Alejandro Argañaraz
-Ikerketak: Lia Aguirre
TOKIAN TOKIKO GUNEAK
-Pelotas: Fabricio Iribarrem, Vera Lúcia Sallaberry, Solani Pereira Rodrigues, Ricardo Irigon Vinhas, João Pedro Zabaleta, Eduardo Faria Insaurriaga, Lourdes Etcheverry
-Uruguayana: Gregório Beheregaray, Paulo Henrique Inda, Gizele Ustra Zubiaurre, Beatriz Tellechea Clausell, Vifran Tellechea
-Rio Grande: Rachel Tellechea Inda
Lagun bati bidali
Komentarioa gehitu
