Zuzendaritza berritu du Cordobako Gure Txokoak eta Dakarreko Corcuera euskal pilotoa animatzera deituz amaitu du bere 60. urteurreneko urtea

Cordobako Gure Txokoa Euskal Etxeak, datorren larunbatean Buenos Aires hiritik abiatuko den Dakar Rally-eko euskal pilotoa animatzera ateratzeko deia egiten duen ohar bat plazaratuz amaitu du 2014a, izan ere euskal etxeak bere 60. urtebetetzea ospatu duen urtea. Euskal Etxeak abenduaren 13an egin zuen bere Batzar Nagusia eta, besteak beste, orain arteko lehendakaria, Alejo Martin, berriz hautatu zuen presidente. [Eguneraketa: Dakar lasterketaz, adierazi zaigu 'Donostia taldea' ere lehiakide dela T1.2 kategorian, Luis Chillida pilotu; eta baita ere Txomin Arana pilotu ereñotarra, hau motorrean]

Cordoba, Argentina. Euskararen Nazioarteko Eguneko (ENE) ospakizunak, euskal etxearen Ohiko Batzar Nagusiak edo Urtea Agurtzeko Afariak osatu dute abenduan zehar Gure Txokoa euskal etxe cordobatarrak bete duen egitaraua. Batzar Nagusiaren baitan egindako hauteskundeei dagokienez, aurkeztutako zerrenda bakarrak bazkideen oniritzia lortu zuen eta, beraz, honako kideek osatzen dute Zuzendaritza Batzorde berritua:

-Lehendakari: Alejo Martin
-Lehendakariorde: Juan Antonio Bengoechea
-Idazkari: Martín Orlando Pavan
-Idazkariorde: Rita Gigena Romero
-Diruzain: Jorge Saenz
-Diruzainorde: Claudia Caballero

-Batzordekide 1.a: Beatríz Bengoechea
-Batzordekide 2.a: Juan Carlos Martincorena
-Batzordekide 3.a: Miguel Ángel Martínez del Pozo
-Batzordekide 4.a: Jorge Ramos Moriñigo
-Batzordekide ordezko 1.a.: Carlos Bordegaray
-Batzordekide ordezko 2.a.: Sergio Euliarte
-Batzordekide ordezko 3.a.: Leticia Peña
-Batzordekide ordezko 4.a.: María del Carmen Errasquin

-Kontu ikuskatzailea: Luisa Peña
-Kontu ikuskatzailea: Silvina Pavan
-Kontu ikuskatzailea: Verónica O´Connor

Bestalde, eta urteko azken egunaren bezperan, euskal elkarteko Zuzendaritza Batzordeak oharra plazaratu du bere lagun eta bazkideak oro, Dakar Rally-an parte hartuko duen Ignacio "Livingstone" Corcuera bilbotarra animatzera deituz. Sostengua adierazteko Rally honetan parte hartuko duen euskal piloto bakarra denari, ibilbidean ikurrinak eta pankartak eskuetan agertzera deitzen du euskal etxeak.

Gogoratu Rallya datorren larunbatean, urtarrilaren 3an abiatuko dela Buenos Aires hiritik eta, besteak beste, Carlos Paz, San Juan, Salta eta Rosario hiri argentinarrak pasatuko dituela, urtarrilaren 17an berriz ere hiriburu federal argentinarrera sartu aurretik, Txile eta Boliviako lurrak zeharkatu ondoren.

Euskal Herrian eginiko agerraldi batean, Corcuera pilotoak, hiru herrialde hauetako euskal etxe eta komuinitateetako kideekin biltzeko guraria azaldu zuen eta, izan ere, opari bat ere zekarkiela. EuskalKultura.com-ek ezin izan ditu eskuratu honen xehetasunak.

euskalkultura.eus

Albisteak

Zuzendaritza berritu du Cordobako Gure Txokoak eta Dakarreko Corcuera euskal pilotoa animatzera deituz amaitu du bere 60. urteurreneko urtea

Irakurrienak

Azken komentarioak