"Zuloak" filma 2012ko hamabi onenen artean aukeratu du Argentinako Clarin egunkariak

2013/01/14

"Zuloak" filma izen bereko punk taldearen ibilbideari buruzko dokumentala da

PUBLIZITATEA

Fermin Muguruza musikari euskaldunak zuzendu duen "Zuloak" luzemetraiak harrera bikaina izan du Argentinan, eta Clarin egunkariak amaitu berria den 2012. urteko hamabi filme onenen artean aukeratu du. Zerrendako lanen artean Martin Scorsese, Aki Kaurismaki eta Christopher Nolan bezalako zuzendari ezagunen azken lanak daude.

Buenos Aires, Argentina. Fermin Muguruza musikari eta zinemagile irundarrak zuzendu duen "Zuloak" filma Mar del Platako zinemaldian izan zen ikusgai abenduan, eta ondoren Buenos Aireseko zine aretoetara heldu zen. Muguruza bera eta Zuloak musika taldeko kideak ere bertan izan ziren eta zenbait kontzertu eman zituzten herrialde honetan filmaren estreinaldia kari eta estakuru.

Dokumentalak harrera oso ona izan du, eta Clarin egunkari garrantzitsuak 2012. urteko 12 filme onenen artean aukeratu du. Zerrenda honetan agertzen dira baita ere, esaterako, Martin Scorsese-ren "Hugo", Aki Kaurismakiren "Le Havre" eta Christopher Nolan-en "The Dark Knight Rises", beste zenbait izenbururen artean.

-Clarin egunkariaren artikulua, hemen