Villa Mercedes, Argentina. Urtarrilak Argentinara dakarren uda hasierako giroaren hastapenak pasatu ondoren, Villa Mercedeseko Euskal Etxeak, San Luis probintzian, ikasturteko saioei ekin die eta urteko lehenengo ekimena ipini du abian, joan den asteazkenetik aurrera eta bi astetan garatuko den aho teknika tailer trinko bat abiatuz.
[Irakurketa Aretoa, Liliana Rouan eta Julio V. Esnaola, Euskal Etxeko presidentea, bertan]
Hori adieraztearekin batera, Euskal Etxetik adierazi zaio EuskalKultura.com-i, inauguratua dela baita ere 2009 zikloko Irakurketa Aretoa, behin-behinean Rouan Arte Galerian kokatu delarik, FEVAren laguntzarekin, Argentinako euskal etxeen federazioa izan baita Villa Mercedeseko Euskal Etxeko bazkide eta lagunen esku utzi diren liburuen hornitzailea. Irakurketa Aretoa egunero egongo da zabalik, astelehenetik ostiralera, arratsaldeko seietatik bederatziak arte.
Lagun bati bidali
Komentarioa gehitu
