Euskal partaidetza zabala bildu du Independentzia Eguneko kabalkadak uztailaren 9an Tucuman-en

Uztailaren 8tik 10era, jai erraldoi batekin ospatu zen San Miguel de Tucuman hirian Argentinako Independentziaren Eguna. Mota askotako ikuskizunak ikusi ahal izan ziren probintziako hiriburuan, tartean Argentinako Orkestra Sinfonikoa, Argentinako Koru Polifonikoa eta Probintziako Abesbatza Egonkorraren kontzertuak; 'Fuerza Bruta' taldearen desfilea; eta Mercedes Sosa zenari omenaldi bat. Berrogeita hamar mila lagun inguru bildu ziren 9 de Julio Parkean gauzatu zen festa honetan parte hartzeko. Tucuman probintzia barruko herrietako ordezkariak eta gizataldeetako kideak ere bertaratu ziren jaiaren epizentrora. Horien artean, Tucumanen euskal etxe ofizialik ez badago ere, euskaldunak. Tucumango 'Euskal Kultur Elkartea'ren bidez, bertako euskaldunek parte hartu nahi izan zuten-eta askorentzat ahaztezina izango den jaialdian, Argentinako banderarekin batera euren ikurriñak jasoz euskaldunek Argentinaren historian izan duten lekua ospatzen.

Tucumán, Argentina. Hiru eguneko jaia bizi ahal izan zuten El jardin de la República-ko biztanleek Independentziaren Egunaren karietara. Momenturik garrantzitsuena, agian, uztailaren 9an bertan heldu zen, Fuerza Bruta taldeak herriko kabalkadari hasiera eman zionean. Alimaleko karrozak Soldati etorbidetik sartu, eta Buenos Aires hirian maiatzaren 25ean gertatu bezala, Argentina herrialdea irudikatzen zuen neska batek “hegan egin zuen” publikoaren gainean (kus argazkia).

Euskal Kolektibitatea Argentinako Idenpendetziaren egunean - Tucuman - 2010 01

[Tucumango Euskal Kultur Elkarteko kideek herriko kabalkadan hartu zuten parte]

Euskal kolektibitatea Argentinako Independetziaren egunean - Tucuman - 2010 02

["Fuerza Bruta" Antzerki Taldeko kide batek, Argentina herrialdea irudikatzen, publikoaren gainetik egin zuen hegan]

Euskal Kolektibitatea Argentinako Independetziaren egunean - Tucuman - 2010 03

[Ikurriñaren koloreak harro agerrarazi zituzten Tucumango euskaldunek]

Argentinako presidente Cristina Fernandez izan zen Tucuman hiriburuan egin ziren ekitaldi ofizialetako buru. Artistek, militarrek, probintzia osoko ordezkariek eta kolektibitate ezberdinetako kideek osatutako lerroak segitu zituen Fernandezek bere palkotik. Tucumango euskaldunek, beste etorkinen ondorengo batzuek bezala, beren jaioterriko koloreak, gorria, zuria eta berdea, erakutsi zizkioten bildutako jendeari. Euskal etxe ofiziala sortzeke badute ere, Tucumango Euskal Kultur Elkartea medio, urtemuga berezi honetan euskal kolektibitateak bere burua plazaratu eta gainerako gizataldeekin bat egin nahi izan zuen, zegokion protagonista euren artean bizi eta partekatuz.

euskalkultura.eus

Albisteak

Euskal partaidetza zabala bildu du Independentzia Eguneko kabalkadak uztailaren 9an Tucuman-en

Erlazionatutakoak

Irakurrienak

Azken komentarioak