Siroka taldeak bosgarren postua eskuratu zuen Liet International hizkuntza gutxituen jaialdian

2011/11/24

Sirkoa taldeko kideak eta jaialdian parte hartu zuten beste musikari batzuk Udinen (argazkia Sirokataldea.net)

PUBLIZITATEA

Atzera Euskal Herrian dira Siroka taldeko kideak, iragan asteburuan Italiako Udine hirian izan ziren Liet International jaialdian parte hartu ondoren. Europako hizkuntza gutxituen kantu jaialdia da Liet eta aurten Frisia herrialdeko Janna Eijer kantariak irabazi du. Euskaldunek bosgarren postua lortu zuten, 'Hi vascofona!' kantuarekin. Publikoaren saria, aldiz, The Coffeshock Company rap eta hip hop taldeak eskuratu zuen. Euskal Herriko Kantuzale Elkartearen eta Etxepare Euskal Institutuaren laguntza izan zuen Sirokak bidaia egiteko.

Donostia-San Sebastian. Siroka taldeak bosgarren gelditu zen larunbatean Udine hirian egin zen Liet International jaialdiaren zortzigarren edizioan, 'Hi vascofona!' kantuarekin. Irabazlea Janna Eiger kantari frisiarra izan zen, ‘Ien klap’ kantuarekin.

Jaialdian Europako hizkuntza gutxituetan kantatzen duten taldeek soilik parte har dezakete. Edizio honetako beste partaideak hauek izan dira: Noid (Karelia-ko Errepublika), Silent Woo Goore (Udmurtia Errepublika), Aoife Scott (Irlanda), Skama la Rede (Asturias), Rolffa (Sami), Macanta (Eskozia), Janna Eijer (Frisian), Priska (Friuli), Coffeeshock Company (Austria), Cuntra Löm (Ladinian) eta Rezia Ladina (Suitza).

Euskal taldeak azaldu duenez esperientzia aparta izan da jaialdi honetan parte hartzea eta bertan bizitakoekin bideo bat egiteko asmoa agertu du.

-Jaialdiaren webgunea, hemen
-Sirokaren webgunea, hemen
-Jaialdiari buruzko Sirokaren kronika, hauxe