euskalkultura.eus

Montevideo, Uruguai. Dena prest dute FIVUko arduradunek beste Udaleku bati ekiteko. Uruguaiko euskal etxeetako gazteak biltzen dituen udako topagune hau ostegunean hasiko da eta igandea bitartean luzatuko, antolatzaileekl EuskalKultura.com-i azaldu diotenez. 

Aurtengo edizioa hamargarrena da jada eta Canelones departamentuan egingo da, Montevideotik 60 kilometrotara. Neska-mutilek eta Udalekuko irakasleek Los Azahares izeneko landetxean izango dute ostatua eta bertan egingo dituzte Udalekuko hainbat jarduera. Aurtengo edizioan berrogeita hamar bat haurrrek hartuko dute parte; adinak 6 urtetik 14 urtetara bitarteakoak izango dira.

Udalekuak iraungo dituen lau egun hauetan gazteek euskal kulturan sakontzeko aukera izango dute, ikastaro, jolas eta beste aktibitate ludikoen bitartez. Aurtengo edizioaren gai nagusia Euskal Geografia izango da.

[Iazko Udalekuan jolasek eta herri kirolek ere tartea izan zuten; gazteek oso ongi pasatu zuten eta gogotik saiatu ziren, txinga lasterketan ari den mutiko honek bezala (argazkia HaizeHegoa.org)]

[2010eko Udalekuko partaideak irakasle eta begiraleekin topagunearen egoitza izan zen La Colonia kanpinean. Mendiz inguraturik eta itsasotik gertu, Montevideotik 90 kilometrotara egin zuten iaz Udalekua (argazkia HaizeHegoa.org)]