San Frantzisko, AEB. NABOren webgunea erori egin da asteazken arratsaldean eta Ipar Ameriketako euskal etxeak batzen dituen erakundeak erabaki du ostiralera, martxoaren 3ra, atzeratzea bere Udaleku-ren 2023ko edizioan izena emateko prozedura. Izan ere asteazken arratsaldeko 6etan [Kaliforniako ordua, Euskal Herriko asteazkeneko goizaldeko 3etan], zen egitekoa online Udaleku-n izen-ematea, herrialde osoko EEetako guraso eta haur askoren arreta hartzen duen jarduera.
Izena emateko hitzordu berria, beraz, bi egunez atzeratzen da eta martxoaren 3an, ostiralean, 18:00etan [Kaliforniako ordua, larunbateko goizaldeko 3etan Euskal Herrian] izango da orain.
Gogoratu erne ibili beharreko prozedura dela Udaleku-n izena ematearena, normalean formularioa online betetzeko aukera 18:00etan zabaldu eta minutu gutxiren buruan bukatzen baitura lekuak, eta partaidetza orden horren arabera egozten baita.
Ez ahaztu izena emateko NABOren webgunean, hemen behar duzula sartu, eta 'Udaleku application' dioen laukian klik egin, esan bezala 18:00etan puntuan, orduan aktibatuko baita, eta lekuak bete arte du iraungo du zabalik.
Prozedurari buruzko aurreko artikulu bat, hemen.
Lagun bati bidali
Komentarioa gehitu
