euskalkultura.eus

Buenos Aires, Argentina. Euskal komunitate osoari luzatu diote bertaratzeko gonbitea Lapridan, Silvia Azpiazu koordinatzaile, burutzen den Bitxigintza Tailerreko kideek. Izan ere, Lapridako euskal etxeko tailerreko emaitzak dira uztailetik abendurabitarteko erakusketaren baitan erakutsiko diren piezetako batzuk eta euskal gizartean emakumeak duen rolaren gaia islatzen dute era artistiko batean.

‘Gaur egungo bitxigintza’ erakusketak 15 artistaren obrak batuko ditu eta sei herritan ikusi ahal izango da programa honi jarraituz:

-Tres Arroyoseko Museo Mulazzi-n, uztailaren 14tik uztailaren 28ra arte
-San Cayetanon, abuztuaren 3tik 16ra
-Buenos Airesen, Palermo Unibertsitatearen eskutik, irailaren 4, 5 eta 6an
-Coronel Pringlesen, euskal etxea babesle, irailaren 23tik urriaren 6ra
-Lapridan, euskal etxea babesle, urriaren 21etik azaroaren 4ra
-Olavarrian, euskal etxea babesle, azaroaren 17tik abenduaren 2ra

Euskal bitxigileei dagokienez, Lagunen Etxea-ko bitxigintza-tailerrean lankide diren Silvia Albertelli, Monica Mendivil, Mary Irigoyen, Monica Azpiazu, Alba Larralde eta Romina Holzmann dira honetaratu diren artistak. Euskal Herriko kulturaren alde adierazgarrienetako bat landu dute ekitaldi honentzako materiala prestatzeko. Gaia ‘Euskal Herriko emakumea, kultura eta irmotasunaren transmisioa’ izan da eta kontzeptu horrek forma ugari hartu ditu artisauen produkzioan.

[Romina  Holzmman-en brotxe edo krisketa, Mary Irigoyen-en apaingarria eta Alba Larralde-ren krisketa (argazkiak S. Azpiazu)]

“Talde erakusketa ibiltaria antolatzeko asmoa gaur egungo Bitxigintza Kontzeptualaren ezaugarriak plazaratzea da, hizkuntza eta jendea elkartzeko bidea dela adieraziz. Distantzia ez da oztopoa, gure lana gehiago hedatzeko aukera baizik”, esan digu du Silvia Azpiazu ekimenaren arduradunak.