euskalkultura.eus

Santiago, Txile. Txileko euskal egutegian nabarmendu behar den eguna da Iñaki Deuna, abuztuaren 31a. Aurten berez larunbata izan arren, igandean ospatuko da, abuztuaren 1ean, ekitaldi berezi askoren inguruan. Txileko euskal komunitatea eguerdian bilduko da Santiagoko Katedralean, bertan, Euskal Abesbatzaren laguntza jasoko duen meza ikusteko. 

Mezaren ostean, Euzko Etxeko enbaxada artistikoak Txileko eliza nagusiaren ondoan erakustaldia eskainiko du, Santiagoko Arma Plazan. Erakustaldiak Euskal Koruaren eta Itxaropen Gaztea dantza taldearen partehartzea izango du, bertako jendearen arreta erakarri eta euskal kultura zein folklorearen adierazle izateko asmoarekin. Segidan, Vicuña Mackenna 547an, Santa Isabel metro geltokiaren ondoan dagoen Euzko Etxean, bazkaria antolatu dute, arratsaldea dantzaldi batekin biribiltzeko. 

Euzko Etxetik luatu den egunpasa proposamena hauxe da: Euzko Etxe bertatik katedralera metroz abiatzea eta modu berdinean itzultzea, Santiago erdialdian aparkatzeko dauden arazoak saihesteko. "Txileko euskaldun guztiak gonbidatu nahi ditugu egun handi hau familia giroan ospatzera, euskal jantziak soinean jarri eta bazkarirako erreserba aldez aurretik eginez, bertan parte hartzera" diote Santiagoko euskal elkarte honetatik.

Irteeera Euzko Etxetik 11:15etan, eta bazkaria 14:30etarako antolatu da.