Berlin, Alemania. Alemanian Berlin inguruan bizi bazara eta kantatzea gustukoa baduzu, hiriburu alemaneko Gernika Euskal Etxeak aukera ematen dizu euskal kantutegia landu eta zeure zaletasun hori euskal giroan lantzeko. Entseguak maiatzean hasi zituzten, eta udako geldialdia eta gero, ikasturte berriarekin gogoz ari dira. Azaltzen dutenez, helburu xinplea dute: "kantuzaleak gara, kantatzea gustatzen zaigu eta kantuaren inguruan bildu eta ongi pasatu nahi dugu kantatzen".
Mikel Elgezabal gernikarra zuzendari, entseguak bi astean behin egiten dituzte, ostegunez, 19:00etan, B.L.O. Ateliers-en (Kaskelstr. 55, 10317 Berlin, S-Bahn: Nöldnerplatz). "Poliki joan nahi dugu", adierazi diote EuskalKultura-eus-i. "Argi daukagu bertara datorren jendea abestuz ongi pasatzera datorrela, askok ez dituzte notak ezagutzen eta partiturak egokitzen zaizkie, gustura gaude, aurrera egiten". "Emanaldiak? Ez daukagu presarik, baina datorren apirilean Gernikako Bonbardaketaren urteurrenean abesteko ideiarekin gabiltza", dioskute.
Argibide gehiago eskatu edo izena eman nahi duenak info@euskaletxea.de helbidera idatz dezake
Euskal Etxea Berlin
- www.facebook.com/gernikakulturverein.euskaletxeaberlin
- www.euskaletxea.de
- www.instagram.com/gernikaberlin

Lagun bati bidali
Komentarioa gehitu


