euskalkultura.eus

Vitoria-Gasteiz. Eusko Jaurlaritzako Gobernu Kontseiluak oniritzia eman dio gaur Kanpo Harremanen eremuan gazteak prestatzeko beken 2022-2023rako deialdiari. Guztira hamabi beka deituko dira, honela banatuta: Europako gaiak (4); Kanpoko Euskal Komunitatea (4); eta Kanpo-Harremanak (4). Zenbateko osoa 288.000 eurokoa dute, eta Diasporako gazteak ere aurkez daitezke baldintzak betetzen badituzte. Hauek dira hamabi bekak:

—Europako gaiak, beken onuradunek honako lekuetan gauzatuko dute euren jarduera:
Bi beka Kanpo Harremanetarako Idazkaritza Nagusian, Gasteizen
Bi beka Euskadik Europar Batasunean duen Ordezkaritzan, Bruselan

—Kanpoko euskal komunitatearen alorra, beken onuradunek honako lekuan gauzatuko dute euren jarduera
Bi beka Kanpo Harremanetarako Idazkaritza Nagusian, Gasteizen
Beka bat Euskadiren Argentina-Mercosurreko Ordezkaritzan, Buenos Airesen
Beka bat Euskadiren Estatu Batuetako Ordezkaritzan, New Yorken

—Kanpo-harremanetako bekak, onuradunek honako lekuan gauzatuko dute euren jarduera:
Bi beka Kanpo Harremanetarako Idazkaritza Nagusian, Gasteizen
Bi beka Euskadiren Txile, Peru eta Kolonbiako Ordezkaritzan – Bata Txileko Santiagon eta bestea Bogotan

Euskadik kanpoan dituen ordezkaritzetarako diren bekak 24.000 eurokoak izango dira (bakoitza); eta 16.000 eurokoak jarduera Kanpo Harremanetarako Idazkaritza Nagusian, Gasteizen, gauzatu behar dutenen kasuan.

Gaur onartu diren beken deialdia, bere baldintza eta xehetasunekin, datozen egunetan argitaratuko da EHAA-BOPV buletin ofizialean. Erne egon behar beraz, hortik aurrera hilabeteko epea zabalduko baita eskabideak aurkezteko.