euskalkultura.eus

Buenos Aires, Argentina. José Miguel G. Cortés da erakusketako zuzendaria eta partaide izan ditu zazpi banako artista eta beste bi kolektibo, bakoitzak bideo bana egin duelarik Ameriketako edo Espainiako etstatuko hiri bati buruz:  Alexander Apóstol-ek, Caracas-ez egin du; Antoni Abad eta Gloria Martí-k, Sao Pauloz; Hannah Collins-ek, Bartzelonaz; Minerva Cuevas-ek, México Hiriburuaz; Carlos Garaicoak, Habanaz; Carmela Garcíak, Madrili buruz; Grupo de Arte Callejero delakoak, Buenos Airesez; Mario Navarro, Txileko Santiagoz; eta Itziar Okarizek Bilboz.

Sortzaileetako bakoitzak gaitzat hartu duen hiriari buruzko mapa edo gida bat asmatu du, kamera aurrean ipiniz eta ahotsa emanez normalean, arrazoi sozial, etniko, kultural edo erlijiosoengatik, halako aukerarik ez daukaten giza-talde eta pertsonei, eta, finean, hirietako mapa eta gidaliburuetan isla ez daukatenei. 'Cartografias disidentes'ek ikusle bakoitzaren eskuetan uzten du hiriaren bere mapa egiteko eta nahi duen erara metropoli handi batek dituen osagaiekin bertsio propioa egiteko aukera.

Erakusketa Espainiako Kanpo Kultur Ekintzetarako Estatu Sozietateak (Seacex) antolatua da, Kanpo Gaietarako eta Kooperaziorako Ministerioko Kultura eta Zientzia Harremanetarako Zuzendaritza partaide; eta lankide, Errepublika Argentinarreko Espainiako Enbaxada, eta Buenos Airesko San Martin Kultura Etxea. 2007ko abenduan Madrilen inauguratua izan ondoren, erakusketa  Txileko Santiagon, Rio de Janeiron, Sao Paulon, Caracasen, Mexiko Hiriburuan eta Cartagena de Indiasen ibilia da dagoeneko, eta Buenos Airesen bukatu ondoren Kuba aldera abiatuko da, bertan arrazabaldua izateko.

Lotura interesgarriak

Itziar Okariz Wikipedian
http://en.wikipedia.org/wiki/Itziar_Okariz

Erakusketaren aipua Seacex-eko webgunean
http://www.seacex.com