euskalkultura.eus

Coronel Moldes, Argentina. Joan den irailaren 3an eta herriaren urtemuga ekitaldien testuinguruan, Mikel Ezkerroren hitzaldi bat antolatu zuten Cordoba probintzian kokatzen den Coronel Moldes herriko 'Gure Zainak' Euskal Etxeko kideek. “Euskal Sustraiak” izeneko mintzaldia Makondo tabernan egin zen, eta jende ugari bildu zen euskaldunei buruzko solasa entzuteko.

Efemeride berezi honetan, Rio Cuartoko 'Gure Ametza' Euskal Etxeko kideek lagundu zituzten 'Gure Zainak'eko lagunak eta hitzaldian parte hartu ondoren, guztiek afari arina partekatu zuten. Bukatzeko, Coronel Moldesko arduradunek Iñigo Landeta de Algortarekin hitz egiteko aukera izan zuten.