euskalkultura.eus

Donostia-San Sebastian. EuskalKultura.com-etik, aukera baliatu nahi dugu zure konfidantza eskertzeko, egunero-egunero sartzen uzten baikaituzu internet medio zure etxean, munduan euskalgintzan ari den hainbat jenderekin ahalegina eta eguneroko izerdi eta lorpen txiki eta handiak konpartitzeko.

Egokia izan daiteke honakoa bezalako egun batean ilusioaz hitz egitea. Izan ere, ilusioak, euskal Diasporaren alde 'hondar ale' bat ipintzeko nahiak ekarri gintuen hona eta butzatu gintuen proiektu hau abian jartzera. Beste hainbat alorretan gertatzen den bezala, euskalgintza --eta gure artean partikularzki Diasporako euskalgintza-- ilusiorik gabe ez baita ezer.

Ilusio eta freskotasun hori mantentzea, lantzea eta euskal komunitateen baitan biziaraztea da lanean jarri gaituen akuluetako bat. Euskal etxeek berek ,soilik euskal kultura konpartitu egiten dutenean, elkartasuna eta euren kideen giza balioak lantzen dituztenean eta inguruko gizarteari euren onena eskuzabal ematen diotenean hartzen dute egiazko esangura.

Gaurko egun honetan, irakurle, besarkada bero bat, aspaldiko adiskide garenez. Zorionak, eta gure agiantzarik onenak.

Joseba Etxarri
zuzendaria/director
EuskalKultura.com