euskalkultura.eus

Donostia-San Sebastián. Nazioarteko hotel onenaren mailan finalistak honakoak izan dira: Australiako Southerns Ocean Lodge, Italiako Palazzo Margherita, Euskal Herriko hotel Iturregi, Suitzako The Dolder Grand, Uruguaiko Estancia Vik José Ignacio eta Estatu Batuetako Meadowood.

Food and Travel webgunean botoa emanez lagun dezakezu lehiaketan. Hautatu "Hotel" maila eta gero “International Hotel” azpimaila. Hor sakatu Iturregi izenari eta bozketa amaitzeko, zure posta elektronikoa eta izena jarri. Irabazlea irailean aditzera emango dute.

Txakoli mahastien artean

Iturregik 2007 urtean ireki zituen ateak. Hotela antzinako baserri baten gainean eraiki zen, izen berdinarekin. Getariako kanpoaldean dago, txakoli mahastien artean, eta eraikinak lehiate zabalak dauzka itsasargia ikusteko. Zortzi logela dauzka bi solairuetan banatuta. Egonaldiaz gain bada beste jarduera batzuk egiteko aukera, esate baterako, spa tratamenduak eta Balenciaga museori bisita. Hotelari buruzko informazio gehiago, hemen: www.hoteliturregi.com

Food and Travel 1997an sortu zen Estatu Batuetan eta, gaur egun, Alemanian eta Mexikon ere dauzka edizioak. Bidaia eta gastronomia zaleei bideratuta dago aldizkari hau. Editorialaren Bikaintasuna eta Publizitarioaren Sariak jaso dituzte, argitalpen munduan Oscar sarien parekoak. Food and Travel-eko kolaboratzaileak mundu mailako adituak dira.