Tolosa, Frantzia. Espainiako zinemagintzari buruzko Cinespaña jaialdiaren baitan izango da eta Euskal Zinema Berria atalaren barnean lau ataletan banatuko dute euskal zinemagintzari eskainitako atzerabegirakoa. hauek izango dira lau atalok: “Moriarti”, izen bereko ekoiztetxearen lan esanguratsuenak bilduz; “Fictions”, azken urteotan fikzioan gailendu diren pare bat film eskainiz; “Documentaires”, dokumentalgintzan azken urteotako izenburu esanguratsuak jasoz; eta “Court-Métrages – Cuerpos, gritos y escenas de vida” atala, emakumeek film laburren bidez euskal zinemagintzari ekarritako begirada berriari eskainia.
Jaialdiaren aurkezpen-hitzetan esaten denez, “Ziklo honek euskal zinemak azken boladan izan dituen ildo ezberdinak zeharkatuko ditu, film arrakastatsuenetatik hasi eta egile independenteen ekoizpenetaraino”. Izan ere, antolakuntzaren ustetan, “duela hamarkada bat pasatxotik, [Euskal Herriko] toki eta gertaera batzuetan zinema independentearen olatu baten ernamuina sortu da, Espainiako interesgarrienetako eta emankorrenetako bat izaten amaitu duena”.
Euskal zinemagintzari eskainitako atzerabegirakoaz gain, beste sail batean ere izango da beste euskal film bat ikusgai, Oskar Alegria zinegile nafarraren Zumiriki dokumentala (2019) Film Dokumental Onenaren sariarengatik lehiatzeko hautatua izan baita.
Lagun bati bidali
Komentarioa gehitu
