euskalkultura.eus

Lima, Peru. Gaur ostirala eguerdiko hamabietan zabalduko ditu ateak Gernikako Bonbardaketaren 75. Urteurrena kari Limako Udaletxe Metropolitanoak, Euskadiren Ordezkaritzak eta Limako Euskaletxeak antolatutako erakusketak, apirilaren 26an ekintza lazgarri hura gertatu zeneko urtebetetzea gertatu zenetik gisa eta bertsio batekin edo bestekin munduko hainbat herri eta hiri bisitatzen ari den erakusketa ibiltaria denak, nazioartean barreiatuta dauden Euskadiren Ordezkaritza bultzatzaile eta leku bakoitzeko hainbat euskal etxe eta elkarte laguntzaile.

Hitzordua Limako Udalatxeko Rimac Aretoan egingo da eta bertan parte hartuko dute Limako alkate Susana Villaran de la Puentek, Eusko Jaurlaritzako Ordezkari Ana Urchueguiak eta Euskal Etxeko kide baliotsu den Jon Guarrotxenak, aspaldian Perun bizi bada ere Euskal Herrian jaioa eta ume txikia zelarik bonbardaketa egunean Gernikan zegoena; horiekin batera, anfitrioi izango da Limako Euskal Etxeko lehendakari den Raul Noblecilla.

Arantzazu Eguna eta 400 Urteurrena

Bestalde, Limako Euskal Etxetik baita ere bigarren gonbidapen berezi bat heldu zaigu, iganderako, irailaren 9rako, egun horretan ospatzen baita Arantzazuko Amaren Eguna eta kari horretara meza berezi bat emango du Lima Erdigune Historikoan dagoen San Frantzisko Basilikan Miguel Irizar ormaiztegitarrak, Callaoko apezpiku emeritu denak, eman ere aurten Liman Arantzazuko Andra Mariaren Kofradia sortu zeneko laugarren mendeurrena betetzen ari dela-eta.

Meza, haste-hastetik Kofradiaren egoitza izan zen San Frantziskoren elizan egingo da, gaur egun ere Arantzazuko Amaren aldarea eta irudia ere bertan gorde eta gurtzen direla. Goizeko hamaiketan emango da meza eta ondoren Frantziskotarren Komentuko beste areto batean oroitze-ekitaldi bati ekingo zaio. Euskal-perutarrak, euskaldunak, euskaldunen lagunak eta jendea oro dago gonbidatuta, adierazi digute Euskal Etxetik.