euskalkultura.eus

Donostia-San Sebastian. Joan den astean iragarri bezala, EuskalKultura.com-ek bihar zozketatuko du Arantzazu Amezagaren 'La txalupa de Radio Euzkadi' liburua gaur gauerdira arte --Euskal Herriko orduan-- geure erredakzioan jasotako emailen artean. Liburuak, frankismo garaian Venezuelatik Euzkadi Irratiak egiten zituen emanaldien historia egiten du, idazlea beraren eta bere senar izan zen Pello Irujoren ekimen harekiko ekarria errepasatuz.

Erraz irakurtzen den liburua da, Diasporatik Euskal Herrira egindako ekarpenetako baten argazkia egiten duena, pasadizo hura bizi zuen baten lumak kontatua. Bestalde, EuskalKultura.com-ek zozketatuko duen La txalupa de Radio Euzkadi, una semblanza de Pello Irujo Elizalde-ren alea, ez da edozein ale, izan ere liburuaren egilea den Arantzazu Amezaga Iribarren-en sinadura eta eskaintza baitaramatza.

Zozketan parte hartzeko, aski da zure izen-deiturak, helbidea, bizi zaren herria eta herrialdea e-mail batean bidaltzea, 'Zozketa' izenburupeko e-mail batean, honako helbidera: info@euskalkultura.com. Emaitzak, etziko buletinean.