euskalkultura.eus

Buenos Aires, Argentina. Larunbatean Eusko Kultur Etxeak 2008 urteari agurra egingo dio bere kide eta lagunentzako afari batekin. Gaueko bederatzietan Mexiko 1880 kaleko egoitzan bilduko dira euskal etxeko bazkide eta lagunak eta bertan beste urte bete elkarrekin aritzeko topa egingo dute. Olentzerok ere parte hartuko du jaian eta bere bisitarekin batera, urtearen hasieran erakundeari laguntzeko plazaratu ziren 200 bonoen artean zozketa egingo da. Irabazleak Euskal Herrirako bi hegazkin txartel jasoko ditu (joan-etorria), edo hala nahi balu horren ordaina dirutan: $ 7500 (Argentinako pesotan).

Bonoak erosteko epea bihar bertan bukatuko da. Bono bakoitzaren prezioa 120 $-koa da eta Eusketxen bertan eros daitezke. Argentinatik kanpo ere lor daitezke, 25 eurotan, ordainketa BBVA bankoan eginez. Bestalde, ekintzaren arduradunek jakinarazten dute zozketan abenduaren 20rako erabat ordainduta dauden bonoek soilik parte hartuko dutela.

Afariari dagokionez, menua 25 pesokoa izango da eta bi bokata, bi edari eta ‘gozoki mahaia’ bilduko ditu. Horretaz gain, taberna ere egongo da. Joango direnek baieztatu behar dute eusketxe@ciudad.com.ar helbidera, gaian “Urteko azken afaria” jarriz.

Kontu korrontearen datuak:

-CASA DE LA CULTURA VASCA
-Kontu korrontea (Banco Francés-eko 329 sukurtsalekoa): 0300975/4
-CBU:  01703298 20000030097546