euskalkultura.eus

euskal diaspora eta kultura

Albisteak rss

Trenque Lauquengo Euskal Sustraiak EEak San Juan Gaua sartu du 2014ko hiriko ekintzen programan

2014/07/02

Trenque Lauquengo Euskal Sustraiak Euskal Etxeak San Juan Gaua ospatu zuen ekainaren 29an (argazkia Isa Oderiz)
Trenque Lauquengo Euskal Sustraiak Euskal Etxeak San Juan Gaua ospatu zuen ekainaren 29an (argazkia Isa Oderiz)

PUBLIZITATEA

Zeremonia Trenque Lauquengo Udal Parkean burutu zen, publiko ugari bildurik, eguna iluntzen hasia zenean. San Juan suaren inguruan euskal etxeko gazteak ez ezik, bildutako jendea ere animatu zen dantzatzera kalejiraren soinuak erakarrita. Erakundearen datozen ekintzei dagokienez, Euskal Sustraiak-ek jakinarazi digu San Fermineko taberna antolatuko duela uztailaren bigarren asteburuan eta hirugarrenean, berriz, zine emanaldia.

Trenque Lauquen, Argentina. San Juan gaua ospatu eta aldi berean komunitate osoari begirako ekitaldi bat burutu nahian, Udal Parkean erre zuen sorgin itxurako panpina erraldoia Buenos Aires probintziako Euskal Sustraiak Euskal Etxeak. Egurrei su eman aurretik, gainera, txokolate beroa eskaini zioten euskal etxeko lagunek ekainaren 29an parkera bertaratutako publikoari.

Trenque Lauquengo San Juan Gaua 2014 01

[Sorginez jantzita, sua kitzikatu zuten Trenque Lauquengo neskek (argazkiaEE)]

Iluntzean, San Juan gauaren esanahia azaldu zuen euskal etxeko kide den Alicia Parisek eta horren ostean dantzariek panpina inguratu zuten sugarrak indartu ahala. Suaren argipean, publikoa ere animatu zen dantzatzera eta dantzariekin batera kalejira bat osatu zuten. Ikuskizunari amaiera emateko, bi neskek fandangoa dantzatu zuten. “Bildutakoek txalo beroak eskaini zizkiguten eta eskatu ziguten jaia datozen urteetan ere egitea”, jakinarazi diote, pozik, EuskalKultura.com-i euskal etxeko arduradunek.

Trenque Lauquengo San Juan Gaua 2014 02

[Umeek gozatu zuten gehien euskal etxeko kideek proposatu zuten ikuskizun eta jaiaz (argazkiakEE)]

Hurrengo neguko solstiziorako urtebete falta den arren, euskal etxeak antolatuko dituen datozen ekintzarako ez da hainbeste itxaron beharko. Izan ere, uztailaren 12an eta 19an izango dira. 12an, Sanferminak ospatzeko Taberna antolatuko du Trenque Lauquengo euskal gizataldeak, janari eta edari tipiko eta, nola ez, dantza eta betiko alaitasunarekin. Uztailaren 19an, berriz, zine saio bat eskainiko da. Luzemetraia proiektatzearekin batera, debatea sustatuko da.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia