euskalkultura.eus

euskal diaspora eta kultura

Albisteak rss

Euskal musikagileei buruzko hitzaldi batek abiatuko du gaur Kolonbian Medellingo I. Euskal Astea

2010/10/11

Gaur hasiko den Medellingo I. Euskal Astearen egitaraua
Gaur hasiko den Medellingo I. Euskal Astearen egitaraua

PUBLIZITATEA

Antioquiako 'Luis Miguel de Zulategi' Euskal Etxeak antolatuta, gaur arratsaldez hasiko da Medellinen, aurten bertan Jaurlaritzaren onespen ofiziala lortu duen euskal elkarte gazte honek eratzen duen lehenengo Euskal Astea. Zenbait hitzaldi, euskal musika kontzertu bat, antzerki eta dantza ekitaldiak, eta erakustaldi gastronomiko bat dira egitarauak baitaratzen dituen proposamenak, horretarako euskal etxeak lankide izan dituela Medellingo Arte Ederren Unibertsitate-Fundazioa, Antzoki Ttipia, El Taller Arte Galeria, Cordobako Bulebar Kulturala eta Corpocentro. Astea gaur hasi eta ostegunera arte luzatuko da, urriaren 11etik 14era bitartean.

Medellin, Kolonbia. Antioquiako hiriburuko euskal etxe gazteak antolatzen duen lehenengo Euskal Astea da Eusko Jaurlaritzak aurten bertan, apirilaren 13an ofizialki euskal etxetzat onetsi zuenetik. Hona datozen lau egunotan garatuko den egitaraua:

Astelehena, urriaren 11ean

-6:30 pm-etan: Hitzaldia 'Euskal musikagileak' gaiaz, Rodolfo Perez maisuak emana, ondoren solasaldi bati ekingo zaiola, partaide hizlaria bera eta Luis Carlos Rodriguez eta Libe de Zulategi. Arte Ederren Unibertsitate-Fundazioko Antonio J. Cano Aretoan

Asteartea, urriaren 12an

-5:30 pm-etan: Hitzaldia, 'Luis Miguel de Zulategi euskal musikaria' gaiaz, Luis Carlos Rodriguez doktoreak emana. Beethoven Aretoan.
-6:30 pm-etan: Eta ondoren kontzertua, zenbait euskal musikagileren musika joz (Zulategi, Ravel, Gonzalez Vidal), Arte Ederretako Unibertsitate-Fundazioan

Asteazkena, urriaren 13an

-6:30 pm-etan: Hitzaldia 'Euskal ohiturak' gaiaz, Juan Manuel Santamaria apeza hizlari
-7:30 pm-etan: Antzerki Taldearen aurkezpena, Armando Echeverri bazkidearen eskutik

Osteguna, urriaren 14ean

-2:30 pm-etatik 5:30etara: Gastronomialdia: hitzaldiak euskal gastronomiaz, euskal ardoez, arlo horretako ohiturez...; 'Antiokiako Dantzari Txikiak' taldearen aurkezpena, Catalina Fernandez zuznedari. Antzeoki Ttipian, erdiko patioan.

Xehetasun gehiago: 2390047 - 2391845 - 2291400 ext. 121



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia